Toshkent davlat yuridik universiteti xalqaro tashkilotlar huquqi

Jahon sog'liqni saqlash tashkiloti (JSST)
53
 
(World Health Organization — WHO) 
1946 yilda tuzilgan, 1948 yildan BMTning ixtisoslashgan 
muassasasi sifatida ish olib boradi. Dunyoning ko'pchilik davlatlarini 
birlashtiradi. JSST Ustaviga ko'ra, uning maqsadi barcha xalqlar 
sog'lig'ini faqat tibbiyot yordamida emas, balki tegishli ijtimoiy-
iqtisodiy choralar ko'magida yanada yuqoriroq darajaga ko'tarishdir. 
JSST o'z faoliyatini 
mamlakatlarga tibbiy xizmat ko'rsatish, 
rivojlanayotgan mamlakatlarga tegishli yordam turlarini ko'rsatish, 
tibbiyotga oid tadqiqotlarni tashkillashtirish va rag'batlantirish orqali 
amalga oshiradi. So'nggi faoliyat kasallik tarqatuvchi organizmlarni 
tadqiq etuvchi, ma'lum vaktsinalarni tayyorlovchi va kerakli 
xizmatchilarni tarbiyalovchi xalqaro laboratoriyalar tarmog'ini tashkil 
etish yo'li bilan amalga oshiriladi. 
JSSTning boshqaruv organi – har Yillda chaqiriladigan Jahon 
sog'liqni saqlash assambleyasi; ijro etuvchi organ – Jahon assambleyasi 
tomonidan saylanadigan Ijroiya qo'mita; ma'muriy organi – JSSTning 
Bosh direktori rahbarligidagi Kotibiyat. 
Jahon meteorologiya tashkiloti(JMT)
54
– 1873 yildan mavjud 
bo'lgan tegishli nodavlat tashkiloti asosida 1947 yilda tuzilgan. 1951 
yildan dunyoning deyarli barcha davlatlarini birlashtirgan holda 
BMTning ixtisoslashgan muassasasi sifatida ish olib bomoqda. Uning 
maqsadlari ob-havoni kuzatish ishlarida dunyo bilan hamkorlik qilish, 
53
http://www.who.int/ru/
 - Жаҳон соғлиқни сақлаш ташкилоти расмий сайти. 
54
https://www.wmo.int/pages/index_ru.html
 - Жаҳон метеорология ташкилоти расмий сайти. 

---

97 
meteoxabarlarning tezkor almashinuvini ta'minlash, meteokuzatuv va 
statistika ma'lumotlarining mos kelishini ta'minlash, ob-havoni 
kuzatishga oid tadqiqotlarni tashkillashtirish va meteorolog kadrlarni 
tayyorlashdan iborat. 
Uning organlari: BMK – Butundunyo meteorologiya kongressi, 
odatda har to'rt Yillda chaqiriladi; har Yillda sessiya o'tkazib turuvchi 
Ijroiy qo'mita; Bosh kotib rahbarligidagi Kotibiyat. 
BMK o'zi ishlab chiqqan Butundunyo iqlim dasturi va Dunyo 
atmosfera tadqiqotlari dasturiga asoslangan holda faoliyat ko'rsatadi