Toshkent davlat yuridik universiteti

4.
 
Andijon viloyatida joylashgan “Tanho” MChJ Buxoro viloyatida 
o‘zining sho‘ba korxonasini tashkil etish maqsadida Buxoro viloyati 
Romitan tumanidagi “yagona darcha” markaziga murojaat qildi. Biroq 
roʻyxatdan o‘tkazuvchi organ ushbu yuridik shaxsni sho‘ba korxona 
sifatida davlat roʻyxatidan o‘tkazib bo‘lmasligini vaj qilib, davlat 
roʻyxatidan o‘tkazishni rad etdi. Romitan tumani “yagona darcha” markazi 
o‘zining yozma javobida Oʻzbekiston Respublikasi qonunchiligida “sho‘ba 
korxonasi” belgilanmaganligini, balki yuridik shaxsning tashkiliy-huquqiy 
shakli sifatida “sho‘ba xo‘jalik jamiyati” nazarda tutilganligini ta’kidlab, 
shu orqali javobni asoslantirishga harakat qildi. Markazning mazkur 
javobidan norozi bo‘lgan, “Tanho” MChJ davlat roʻyxatiga olishni rad 
etganlik ustidan Buxoro viloyati iqtisod sudiga shikoyat qilib, o‘z arizasida 
Oʻzbekiston 
Respublikasi 
Fuqarolik 
kodeksining 
44-moddasida 
belgilangan yuridik shaxsni tashkil etish maqsadga muvofiq emas degan 
vaj bilan uni roʻyxatdan o‘tkazishni rad etishga yo‘l qo‘yilmasligi 
to‘g‘risidagi normani asos sifatida keltirdi. Ushbu holat yuzasidan o‘z 
fikrlaringizni qonun hujjatlari asosida asoslantiring. 

---

95 
IV BOB. TADBIRKORLIK FAOLIYATINING MULKIY 
ASOSLARI 
Mulk huquqi tadbirkorlik faoliyatining asosi sifatida. Xususiy mulk 
asosida tadbirkorlik faoliyatini yuritish. Xo‘jalik yuritish huquqi va 
operativ boshqarish huquqi asosida tadbirkorlik faoliyatini yuritishning 
xususiyatlari. Tadbirkorlik subyektlarining mol-mulk obyektlari: asosiy 
vositalar, pul mablag‘lari, qimmatli qog‘ozlar, nomoddiy ne’matlar. 
Tadbirkorlik faoliyati subyektlarining mulkiy huquqlarini amalga 
oshirish muhim oʻrin tutadi. Soʻnggi yillarda mulkiy huquqlarning 
kafolatlari yanada kengaytirildi va huquqiy asoslari rivojlantirib 
borilmoqda.