Toshkent davlat yuridik universiteti

 
degan 
nom bilan ham ataladi. 
Xo‘jalik shirkatlari. 
To‘liq shirkat
 
ishtirokchilari o‘rtasida tuzilgan 
shartnoma bu turdagi shirkatning ta’sis hujjati hisoblanadi. Fuqarolik 
kodeksida ta’sis shartnomasining yolg‘iz o‘zi taraflarning erkini va ular 
o‘rtasidagi munosabatlarning xususiyatlarini to‘liq ifoda etadigan hujjat 
sifatida tan olinadi. Ta’sis shartnomasining mazmuni 
FKning 43-moddasi 

---

105 
4-qismidagi
shartlar bilan belgilanadi. Ayni paytda qonun boshqa 
shartlarni nazarda tutishni man etmaydi. 
To‘liq shirkatni tavsiflovchi asosiy belgi ishtirokchilar shirkatning 
majburiyatlari boʻyicha cheklanmagan solidar javobgar
 
bo‘lishidan iborat. 
Shirkat ishtirokchilari bir-birlariga ishongan holda faoliyat yuritadi. 
To‘liq shirkat faoliyatini boshqarishda shirkat ishtirokchilarining 
umumiy roziligi talab qilinadi. Ta’sis shartnomasida ko‘pchilik ovoz bilan 
qaror qabul qilish mumkinligi nazarda tutilgan bo‘lishi mumkin. Bunday 
holda shartnomada qaysi muammolar boʻyicha ko‘pchilik ovozning 
bo‘lishi zarurligi, shuningdek, bu ko‘pchilik oddiy yoki murakkab 
(malakali) ko‘pchilikdan iborat ekanligi (masalan, ishtirokchilarning 
umumiy sonidan to‘rtdan bir yoki uchdan bir qismining ovozi) aniq 
ko‘rsatilgan bo‘lishi kerak. Umumiy qoidaga binoan har bir ishtirokchi 
bitta ovozga ega bo‘ladi. Lekin to‘liq shirkatning ta’sis shartnomasida 
ovozlar boshqa tartibda, masalan, qo‘shilgan hissaning miqdoriga nisbatan 
karra sifatida ham belgilanishi mumkin. 
Xo‘jalik shirkati faoliyati bilan bog‘liq shirkat ishtirokchisining burchi 
har xil shaklda amalga oshirilishi mumkin. Shirkat faoliyatini amalga 
oshirishda ishtirokchining shaxsan o‘zi qatnashishi zarurligi qonunda 
nazarda tutilmagan. Ta’sis shartnomasida ayrim ishtirokchilarning shirkat 
faoliyatida faqat qo‘shgan hissalari bilan ishtirok etishi mumkinligi 
nazarda tutilgan bo‘lishi mumkin.