Toshkent davlat yuridik universiteti

Rejadan tashqari tekshirish 

---

149 
Rejadan tashqari tekshirish nazorat qiluvchi organlar tomonidan 
quyidagi asoslar mavjud bo‘lgan hollarda:
jismoniy va yuridik shaxslarning qonunchilik buzilganligi holatlari 
boʻyicha bergan murojaatlari asosida yoki tadbirkorlik subyektlari 
faoliyatini “xavfni tahlil etish” tizimi natijalari asosida nazorat qiluvchi 
organlari tashabbusi bilan o‘tkaziladigan tekshirish bir kundan o‘n 
kungacha muddatda amalga oshiriladi. Mazkur tekshirish vakolatli organ 
bilan kelishilgan holda o‘tkaziladi; 
etil spirti, alkogol va tamaki ishlab chiqaruvchi, shuningdek, alkogol 
mahsulotlari bilan ulgurji savdo qiluvchi tadbirkorlik subyektlarini 
tekshirish uch kundan oshmagan muddatda; 
yer qa’rini geologik o‘rganish, foydali qazilmalarni qazib olish, 
mineral xomashyoni qayta ishlash, kon ishlarini geologiya-marksheyderlik 
bilan ta’minlash sohasida yuridik va jismoniy shaxslar tomonidan qonun 
hujjatlari va normativ hujjatlar talablariga rioya qilinishini tekshirish o‘n 
kundan oshmagan muddatda amalga oshiriladi. Ushbu tekshiruvlarni 
elektron roʻyxatga olish yagona tizimida roʻyxatdan o‘tkazish orqali 
vakolatli organni xabardor etish tartibida o‘tkaziladi.
Maxsus vakolatli organning tekshirilayotgan obyektning nomi, soliq 
to‘lovchining identifikatsiya raqami, tekshirish o‘tkazishning maqsadi, 
muddatlari hamda uni o‘tkazish sabablarining asosliligi ko‘rsatilgan qisqa 
muddatli tekshirish o‘tkazishga doir qarorlari, shuningdek, tekshirishni 
amalga oshiruvchi tegishli nazorat qiluvchi organning maxsus vakolatli 
organning qarori asosida chiqarilgan mansabdor shaxslarning tarkibi va 
tekshirishni o‘tkazish muddatlari ko‘rsatilgan buyrug‘i tadbirkorlik 
subyektlari faoliyatini qisqa muddatli tekshirishdan o‘tkazish uchun asos 
bo‘lib xizmat qiladi.