Toshkent davlat yuridik universiteti

 
Xorijiy mamlakatlarda yerga nisbatan 
mulk huquqi masalalari 
 
Xorijiy  davlatlarning  zamonaviy  yer  qonunchiligida  chet  el 
fuqarolarining yer uchastkalariga nisbatan mulk huquqi masalasi turlicha 
hal  qilinadi.  Ko‘p  hollarda  xorijiy  mamlakatlarda  (Turkiya,  Marokko, 
Vengriya,  Litva,  Kanadaning  ayrim  provinsiyalari,  AQSH  shtatlari) 
ushbu  shaxslar  tomonidan  qishloq  xo‘jaligi  yerlarini  mulk  huquqi 
asosida  egalik  qilishlariga  nisbatan  ta’qiq  belgilangan.  Chet  el 
fuqarolariga qishloq xo‘jaligi yerlarini olish ruxsat byerilgan davlatlarda 
esa,  muayyan  cheklovlar  joriy  qilingan  (masalan,  Ispaniyada  chet 
elliklar  har  bir  munitsipalitet  yerining  15%dan  ortig‘iga  egalik  qilishi 
mumkin emas,  Braziliyada esa, ushbu ko‘rsatkich 25%ni tashkil qiladi).  
Qishloq  xo‘jaligiga  mo‘ljallanmagan  yerlarga  nisbatan  ham  qator 
davlatlarda  muayyan  cheklovlar  tizimi  ko‘zda  tutilgan.  Masalan, 
Yaponiya,  Chexiya,  Braziliyada  chet  elliklar  faqatgina  ushbu 
mamlakatda  doimiy  yashasalargina  yer  uchastkasiga  egalik  qilishlari 
mumkin;  Buyuk  Britaniya,  Monako,  Shvetsariya,  AQSHning  ayrim 
shtatlarida chet ellik fuqarolar ushbu mamlakatda istiqomat qilish uchun 
ruxsat olgan bo‘lishlari lozim.  Italiya,   Polsha,   Salvador,  AQSHning 
ba’zi  shtatlarida  chet  ellik  fuqarolarga  yer  uchastkasiga  egalik  qilish 
huquqi  taqdim  etilishi  uchun  tegishli  davlatda  ko‘rsatilgan  mamlakatlar 
fuqarolari  uchun  ham  Shunday  teng  huquqlar  ta’minlangan  bo‘lishi 
lozim.