Toshkent davlat yuridik universiteti

Aholi punktlari yerlarining turlari 
 
Shaharlar  va  posyolkalar  aholi 
punktlarining yerlari 
Qishloq 
aholi 
punktlarining yerlari 
 
O‘z  navbatida  shaharlar  ma’muriy  bo‘ysunishi  va  aholi  soniga 
nisbatan  respublika,  viloyat  va  tuman  ahamiyatidagi  shaharlarga 
bo‘linadilar.  
Aholi  punkti  yerlari  eng  avvalo  aholi  muqim  yashash  joyi  bo‘lib 
hisoblanadi. Ushbu toifadagi  yerlar bilan bog‘liq huquqiy munosabatlar 
fuqarolarning yerdan foydalanishdagi tabiiy huquqini ta’minlash (yerdan 
yashash,  joylashish  va  shu  maqsadda  uy-joy  qurish)  hamda 
mulkchilikning turli shakllarida bo‘lgan yuridik shaxslarni hududiy asos 
bo‘lgan yerda joylashtirish bilan bog‘liq munosabatlardan kelib chiqadi. 
Shu  o‘rinda,  aholi  punkti  yerlarining  yer  fondining  muayyan  toifasi 
bo‘lish  bilan  birga  davlat  belgilagan  chegaraga  ega  bo‘lgan  ma’muriy-
hududiy birlik ekanligini ta’kidlash lozim.  
Shaharlar
  deganda,  aholisi  asosan  sanoat  va  savdo,  shuningdek, 
xizmat  ko‘rsatish,  boshqaruv,  fan,  madaniyat  sohalarida  band  bo‘lgan 
eng katta aholi punktlari tan olinadi. Shaharlar umumiy qoidaga binoan 
tuman,  viloyatlarning  ma’muriy  va  madaniy  markazlari  hisoblanadilar. 
Ularning  xaraktyerli  xususiyati  aholining  zich  joylashganligi  va 
qurilishlarning  kompaktligidir.  Shahar  jamiyat  hayotida  ko‘p  jihatdan 
ijtimoiy organizm, murakkab iqtisodiy-geografik, arxitektura va qurilish, 
shuningdek madaniy majmualashgan sifatida bo‘ladi.