Тошкент давлат юридик университети

Ma’lumot uchun! 
Finlandiya o‘rmonlarini sertifikatlashtirish tizimi 
FFCS (Finnish Forest Certification System) maxsus 
tarzda Finlandiya o‘rmonlarini taqsimlanishini, ya’ni u yerdagi juda 
ko‘pchilikni tashkil qiluvchi mayda mulkdorlarni hisobga olgan holda 
ishlab chiqilgan. Ushbu tizimning qoida hamda talabi 8 ta standartni o‘z 
ichiga olgan. O‘rmonlardan foydalanishning barqarorligi mustaqil 
ekolog-auditorlar tomonidan o‘rnatilgan 37 ta mezonni bajarilishi bilan 
belgilanadi yoki aniqlanadi. Shunday qilib, FFCS tizimi ikkita 
sertifikatni, ya’ni o‘rmon uchastkasiga va texnologik zanjirga sertifikatni 
berishni mo‘ljallaydi. Shuningdek, ushbu tizim sertifikatlashtirilgan 
yog‘och-taxtani (nomdor yog‘och turini) qayta ishlovchi korxonalarga 
ekologik sertifikat olish hamda tegishli belgi bilan o‘z maxsulotini 
markirovkalash huquqini olish uchun sharoit yaratadi.

---

102 
 
Ushbu vaziyatga huquqiy baho bering 
4. Atrof tabiiy muhitni muhofaza qilish davlat qo‘mitasi tomonidan 
Toshkent traktor zavodi AJ faoliyati tekshirilganda ushbu jamiyat 
sistematik ravishda suv obyektiga oqova suvlarni chiqarib tashlayotganligi 
aniqlandi. Tekshirish shuni ko‘rsatdiki, mazkur oqova suvlardagi 
ifloslantiruvchi moddalar tarkibi YQD dagi me’yordan ortiq ekanligini 
ko‘rsatdi. Ushbu holat yuzasidan jamiyat direktoriga nisbatan jarima 
belgilandi hamda keltirilgan zararni qoplash bo‘yicha xo‘jalik sudiga 
da’vo arizasi kiritildi. Ammo AJ direktori jarimani to‘lashdan bosh tortdi, 
sababi ushbu tashlanayotgan har bir zararli moddalar uchun tegishli 
ravishdagi to‘lov tariflari asosida hamda muntazam to‘lovlarni amalga 
oshirib kelayotganligini vaj qildi.
 
Vaziyatga huquqiy baho bering.
 
7
-