Тошкент давлат юридик университети

Nazorat uchun savollar 
1. Atrof-muhitni huquqiy muhofaza qilish ekologiya huquqi va 
davlat ekologik siyosatining muhim yo‘nalishlaridan biri bo‘lib, u turli 
sohalarda o‘ziga xos tartibda va usulda amalga oshiriladi.

---

294 
Aholi punktlari va xo‘jalik faoliyatida atrof muhitni huquqiy 
muhofaza qilish qanday o‘ziga xos xususiyatlarga ega?
 
2. Ma’lumki, xo‘jalik faoliyati keng va rang-barang faoliyat 
sohalarini qamrab oladi. Ularning har biri atrof-muhit holatiga o‘ziga xos 
ta’sir ko‘rsatadi. Masalan, sanoat tabiiy resurslar sonini qisqartirsa, 
transport atmosfera havosiga salbiy ta’sir ko‘rsatadi va h.k. 
Ushbu 
sohalarda 
atrof-muhitga 
ta’sirni mo‘tadillashtirish 
maqsadida qanday ekologik-huquqiy vositalar qo‘llanadi?
 
3. Fuqaro M. turar joyi atrofida barpo etilayotgan aloqa 
stansiyasining fuqarolarning sog‘lig‘iga va atrof-muhitga salbiy ta’sir etish 
darajasini aniqlash maqsadida ushbu xo‘jalik faoliyati ustidan mazkur 
hududda istiqomat qiluvchi jamoatchilik vakillaridan iborat tarkibda 
jamoat ekologik nazoratini o‘tkazish maqsadida uchun mahalla fuqarolar 
yig‘ini raisiga murojaat qildi. Fuqarolar yig‘ini raisi qonunchilikda jamoat 
ekologik nazoratini o‘tkazish tartibi aniq belgilanmaganligi bois ushbu 
faoliyatni amalga oshirish uchun tuman hokimiyatiga murojaat etishni 
maslahat berdi.
Vaziyatga huquqiy baho bering. Xo‘jalik faoliyati ustidan 
jamoatchilik ekologik nazorati qaysi qonun hujjati asosida amalga 
oshiriladi? Xo‘jalik faoliyati ustidan jamoat ekologik nazoratini kimlar 
amalga oshirishi mumkin? Bu boradagi qonunchilik holatiga huquqiy 
baho bering.
4. Fuqaro D. ko‘p qavatli turar-joy binosining o‘ziga qarashli bo‘lgan 
xonasida ta’mirlash ishlarini olib borishi natijasida turar-joy binosi atrofida 
ancha miqdorda maishiy chiqindi hosil bo‘ldi. Shunda mahalla yig‘ini 
maslahatchisi D. dan ushbu maishiy chiqindini zudlik bilan bartaraf etishni 
talab qildi. Ushbu masalada amaliy yordam ko‘rsatish uchun fuqaro
D. “O‘zkommunxizmat” agentligining tegishli filialiga murojaat etganida 
mazkur chiqindini hosil qilib, belgilangan normativdan chetga chiqqanligi 
uchun undan jarima va kompensatsiya to‘lovi undirilishi ma’lum qilindi.
Vaziyatga huquqiy baho bering. Chiqindi sohasidagi davlat 
nazoratini kim amalga oshiradi? Mahalla oqsoqolining talabi to‘g‘rimi? 
Chiqindini saqlash tartibi qanday? “O‘zkommunxizmat” agentligining 
talabi qonuniymi? Kompensatsiya to‘lovi deganda nimani tushunasiz?

---

295