Тошкент давлат юридик университети

Esda tuting!
Xo’jalik va boshqa faoliyatni amalga oshirish 
jarayonida atrof muhitni huquqiy muhofaza qilish
deganda, 
insonlarning moddiy ehtiyojlarini qondirishga qaratilgan xo’jalik va 
boshqa faoliyatni atrof muhitning tabiiy-ekologik holatini saqlash, 
yaxshilash va qayta tiklashga, ekologik xavfsizlikni ta’minlashga 
qaratilgan ekologik qonun-qoidalar va normativ talablar asosida hamda 
qonunchilikda belgilangan doirada (me’yorda, limitda) amalga 
oshirishga qaratilgan faoliyat tushuniladi. 

---

287 
hamda 2016-yil 21-sentyabrdagi “O‘simlik dunyosini muhofaza qilish va 
undan foydalanish to‘g‘risida”gi Qonunlarga rioya etish talab etiladi. 
Esda tuting! Sanoat 
– mehnat qurolini (sanoatning o‘zi uchun ham, 
boshqa xalq xo‘jaligi tarmoqlari uchun ham) ishlab chiqarish, xomashyo, 
material, yoqilg‘i qazib olish, energiya ishlab chiqarish hamda sanotda 
ishlab chiqilgan yoki qishloq xo‘jaligida yetishtirilgan mahsulotlarni 
keyinchalik qayta ishlash – iste’mol tovarlarini ishlab chiqarish bilan band 
bo‘lgan korxona, tashkilotlar majmuyi.
Ushbu qonunchilik hujjatlari sanoat tegralarida tabiiy resurslarning 
har biridan foydalanish darajasi va ularni ifloslantirish me’yorlarini 
belgilaydi. Xususan, O‘zbekiston Respublikasining “Suv va suvdan 
foydalanish to‘g‘risida”gi Qonunida suvning holatiga ta’sir etuvchi 
korxonalar, inshootlar va boshqa obyektlar quriladigan joylarni belgilash 
(13-modda), ushbu obyektlarni qurish loyihalarini kelishib olish (14-
modda), ularni ishga tushirishni taqiqlash (15-modda) tartibi belgilangan.
O‘zbekiston Respublikasining “Atmosfera havosini muhofaza qilish 
to‘g‘risida”gi Qonunida esa sanoat korxonalarining atmosfera havosiga 
ifloslantiruvchi moddalar chiqarishini huquqiy tartibga solish choralari, 
atmosfera sifati normativlari, unga zararli ta’sir ko‘rsatish normativlari v. 
b. ko‘zda tutilgan.
Xo‘jalik yurituvchi subyektlarning xo‘jalik faoliyati jarayonida 
ekologik xavfsizlikni ta’minlashiga oid ekologik talablar xo‘jalik jarayoni 
bosqichlariga qarab farqlanadi: ekspluatatsiyagacha, ekspluatatsiya vaqtida 
va ekspluatatsiyadan keyin.