Тошкент давлат юридик университети

 
E’tibor bering ! 
Ekologiya va atrof-muhitni muhofaza qilish 
davlat qo‘mitasi inspektorlari o‘rmonchi va 
yegerlar qorovulxonasini, muhofaza qilinadigan tabiiy hududlarning 
qorovulxonalarini, 
omborlar 
va 
boshqa 
imoratlarni 
tekshirish, 
shuningdek transport vositalarining barcha turlarini ko‘zdan kechirish va 
ushlab turish huquqiga ega.

---

231 
O‘simlik dunyosini va o‘rmonlarni muhofaza qilish va ulardan 
foydalanishda xorijiy tajriba
 
O‘simlik dunyosi va o‘rmonlarni muhofaza qilish va undan 
foydalanishda xorijiy davlatlar tajribasi muhim qiziqish uyg‘otadi. 
Xususan, o‘simlik dunyosi obyektlaridan foydalanishda 
Belarus 
Respublikasi
Qizil kitobiga kiritilgan yovvoyi o‘simliklarni yoki ularning 
qismlarini o‘zboshimchalik bilan terish yoki yo‘q qilish yoxud ularning 
nobud bo‘lishiga, sonining kamayishiga yoki o‘sish muhitining buzilishiga 
sabab bo‘ladigan boshqa harakatlarni amalga oshirish ta’qiqlanadi. Qizil 
kitobga kiritilgan kamyob va yo‘qolib borayotgan yovvoyi o‘simlik 
dunyosi obyektlaridan ilmiy maqsadlarda va boshqa hollarda faqatgina 
Belarus Respublikasi Tabiiy resurslar va atrof-muhitni muhofaza qilish 
vazirligi ruxsatnomasi asosida foydalanishga yo‘l qo‘yiladi. Belarus 
Respublikasi o‘simlik qonunchiligining o‘ziga xos jihati shundaki, unda 
mazkur qoidalar nafaqat yovvoyi, balki kamyob va yo‘q bo‘lib borayotgan 
madaniylashgan o‘simliklarga nisbatan ham tatbiq etilishi belgilab 
qo‘yilgan
74
. 
Ukrainada
ham o‘simlik dunyosi obyektlarini qonun darajasida 
tartibga solinganligining guvohi bo‘lishimiz mumkin. Xususan, 
Ukrainaning 1999-yil 9-apreldagi №591–XIV sonli “O‘simlik dunyosi 
to‘g‘risida”gi Qonunining 25-moddasi o‘simlik dunyosi obyektlarini, 
ularning turi, populyatsiyasi, tarqalish arealini, xilma-xilligini saqlash, 
ularning ko‘payish shart-sharoitlarini himoya qilish, ularni yo‘q 
bo‘lishdan, nobud qilishdan, kasalliklar va zararkunandalardan, nooqilona 
foydalanishdan himoya qilish bo‘yicha davlat tomonidan kompleks chora-
tadbirlar majmuyi amalga oshirilishi ko‘zda tutilgan. Ushbu chora-
tadbirlarni amalga oshirish mahalliy ijroiya hokimiyat organlariga, 
mahalliy o‘zini o‘zi boshqarish organlariga, yer uchastkasi mulkdorlari va 
foydalanuvchilari, 
shuningdek, 
tabiiy 
o‘simlik 
resurslaridan 
foydalanuvchilar zimmasiga yuklanadi
75
.