Тошкент давлат юридик университети

Atrof tabiiy muhitni muhofaza qilish iqtisodiy mexanizmining asosiy 
maqsadi va yo‘nalishlari 
Atrof tabiiy muhitni muhofaza qilish iqtisodiy mexanizmining 
maqsad va vazifalari ushbu institutning mazmun-mohiyatini ochib 
beruvchi muhim mezonlardan hisoblanadi.
Atrof tabiiy muhitni muhofaza qilish iqtisodiy mexanizmining 
maqsadi
– tabiiy resurslarning qiymatini mos ravishda baholash, ulardan 
oqilona va samarali foydalanishni ta’minlash, ekologik talablarga rioya 
etilishini rag‘batlantirish, ekologik toza, tabiiy resurslarni tejaydigan va 
kamchiqitli ishlab chiqarishni imtiyozli soliq va kredit berish yordamida 
rivojlantirish, atrof tabiiy muhitga yetkazilgan zararni qoplash, ekologik 
xavfsizlikni va barqaror rivojlanishni ta’minlashdan iboratdir. 
Atrof tabiiy muhitni muhofaza qilish iqtisodiy mexanizmi 
maqsadlaridan kelib chiqib, biz ushbu institutning yo‘nalishlari sifatida 
quyidagilarni ko‘rsatib o‘tishimiz mumkin: 
– atrof tabiiy muhitni muhofaza qilishga oid chora-tadbirlarni 
rejalashtirish va moliyalashtirish; 
– tabiiy resurslardan foydalanish, atrof tabiiy muhitga chiqindi va 
ifloslantiruvchi moddalarni tashlash hamda chiqarish limitlarini belgilash; 

---

121 
– tabiiy resurslardan oqilona foydalanish, atrof tabiiy muhitga 
chiqindi va ifloslantiruvchi moddalarni tashlaganlik hamda chiqarganlik, 
shuningdek, atrof tabiiy muhitga boshqacha zararli ta’sir etganlik uchun 
to‘lovlar hajmi va normativlarini belgilash; 
– kam chiqindi chiqaruvchi hamda tabiiy resurslarni tejovchi 
texnologiyalarni va noan’anaviy energiya turlarini joriy etgan, atrof tabiiy 
muhitni muhofaza qilish bo‘yicha boshqa samarali choralarni amalga 
oshirgan korxona, muassasa va tashkilotlar, shuningdek fuqarolarga kredit 
va boshqa imtiyozlar berish; 
– atrof tabiiy muhitga va insonlar sog‘lig‘iga yetkazilgan zararni 
belgilangan tartibda qoplash.