Тошкент давлат юридик университети

Davlat ekologik nazorati. 
Vazirlar Mahkamasining 2014-yil 5-
avgustdagi 216-son qarori bilan tasdiqlangan “Davlat ekologik nazoratini 
amalga oshirish tartibi to‘g‘risida”gi Nizomga ko‘ra davlat ekologik 
nazorati maxsus vakolatli davlat organlari, mahalliy davlat hokimiyati 
organlari tomonidan amalga oshiriladi.
O‘zbekiston Respublikasi Ekologiya va atrof-muhitni muhofaza qilish 
davlat qo‘mitasi, O‘zbekiston Respublikasi Sog‘liqni saqlash vazirligi, 
O‘zbekiston Respublikasi Vazirlar Mahkamasi huzuridagi Yer qa’rini 
geologik o‘rganish, sanoatda, konchilikda va kommunal-maishiy sektorda 
ishlarning bexatar olib borilishini nazorat qilish davlat inspeksiyasi 
(“Sanoatgeokontexnazorat” DI), O‘zbekiston Respublikasi Ichki ishlar 
vazirligi (IIV), O‘zbekiston Respublikasi Qishloq va suv xo‘jaligi 
vazirligi, O‘zbekiston Respublikasi Yer resurslari, geodeziya, kartografiya 
va davlat kadastri davlat qo‘mitasi (“Yergeodezkadastr” davlat qo‘mitasi) 
maxsus vakolatli davlat organlari hisoblanadi.
Ekologiya va atrof-muhitni muhofaza qilish davlat qo‘mitasi boshqa 
maxsus vakolatli davlat organlarining davlat ekologik nazorati sohasidagi 
faoliyatini muvofiqlashtirib boradi.
Boshqa maxsus vakolatli davlat organlarining davlat ekologik nazorati 
sohasidagi faoliyatini muvofiqlashtirish maqsadida Ekologiya va atrof-
muhitni muhofaza qilish davlat qo‘mitasi huzurida ularning vakillaridan 
iborat 
muvofiqlashtiruvchi kengash
tashkil qilinadi.
Mahalliy davlat hokimiyati organlari
tegishli hududda davlat 
ekologik nazoratini amalga oshiradi.

---

113 
Davlat ekologik nazoratini amalga oshiruvchi davlat organlarining o‘z 
vakolatlari doirasida qabul qilgan qarorlari vazirliklar, davlat qo‘mitalari, 
idoralar, yuridik va jismoniy shaxslar tomonidan bajarilishi shart. Davlat 
ekologik nazoratini amalga oshiruvchi organlar ekologik nazoratning 
boshqa subyektlari va ommaviy axborot vositalari bilan davlat ekologik 
nazorati masalalari bo‘yicha hamkorlik qiladi.
Davlat ekologik nazoratining 
shakllari
– atrof-muhitni muhofaza 
qilish va tabiiy resurslardan oqilona foydalanish sohasidagi qonun 
hujjatlari talablariga yuridik va jismoniy shaxslar tomonidan rioya 
etilishini, davlat ekologik dasturlari va boshqa ekologik dasturlarning 
amalga oshirilishini tekshirish; atrof-muhit monitoringi; davlat ekologik 
ekspertizasi.
Davlat, idoraviy va ishlab chiqarish ekologik nazorati atrof-muhitga 
ta’sir ko‘rsatuvchi omillarni hisobga olish, atrof-muhit hamda tabiiy 
resurslardan oqilona foydalanish holatini tahlil etish, baholash va prognoz 
qilish yo‘li bilan amalga oshiriladi.
Esda tuting! 
Maxsus vakolatli davlat organlari quyidagi sohalarda davlat ekologik 
nazoratini amalga oshiradi: