Тошкент давлат юридик университети тадбиркорлик (бизнес) ҲУҚУҚИ

1.2. Тадбиркорлик ҳуқуқининг тушунчаси, предмети ва 
принциплари 

---

I БОБ. Тадбиркорлик (бизнес) ҳуқуқи алоҳида ҳуқуқ соҳаси 
22 
Тадбиркорлик фаолияти билан боғлиқ муносабатларни 
давлатнинг ваколатли органлари томонидан қабул қилинган 
норматив-ҳуқуқий ҳужжатлар ва тадбиркорлик фаолиятидаги иш 
муомала одатлари асосида тартибга солинишини тадбиркорлик 
ҳуқуқи фани ўрганади. 
Тадбиркорлик фаолияти
тадбиркорлик субъектлари томонидан 
қонун ҳужжатларига мувофиқ амалга ошириладиган, ўзи таваккал 
қилиб ва ўз мулкий жавобгарлиги остида даромад (фойда) олишга 
қаратилган ташаббускорлик фаолиятидир. 
(Ўзбекистон Республикасининг 
қонуни. Тадбиркорлик фаолияти эркинлигининг кафолатлари тўғрисида (янги таҳрири) 
2012 йил 2 май, 328-сон.
Мисол учун,
 фуқаро бир ўзи таъсисчилигида масъулияти чекланган жамият ташкил 
қилиб, болалар ички кейимлари ишлаб чиқариш мақсадида банкдан кредит олиб, чет элдан 
тикиш ускуналарини хорижий валютада харид қилди ва ўз тадбиркорлик фаолиятини 
бошлади. 
Тадбиркорлик ҳуқуқи
– тадбиркорлик субъектлари ўртасидаги 
тадбиркорлик фаолияти билан боғлиқ муносабатларни тартибга 
солувчи ва у билан боғлиқ муносабатларда давлатнинг 
иқтисодиётга раҳбарлик қилиш чора-тадбирларини белгиловчи 
ҳуқуқий қоидалар йиғиндисидан иборатдир.
 
Демак, тадбиркорлик ҳуқуқи ўзига хос муайян муносабатларни 
ҳуқуқий тартибга солувчи ҳуқуқ соҳаси-ми? 
Унда, тадбиркорлик ҳуқуқининг ҳуқуқ тизимида тутган ўрнига 
тўхталиб ўтайлик. Тадбиркорлик ҳуқуқи ҳам бошқа ҳуқуқ соҳалари 
каби: биринчидан, ҳуқуқнинг мустақил соҳаси; иккинчидан, 
қонунчилик тармоғи; учинчидан, фан соҳаси; тўртинчидан, ўқув 
предмети ҳисобланади. 
Тадбиркорлик ҳуқуқи – ҳуқуқ тармоғи сифатида тадбиркорлик 
субъектларининг иқтисодиёт соҳасидаги фаолиятидан келиб 
чиқадиган муносабатларни тартибга солувчи ҳуқуқ нормалари 
йиғиндисидан иборат.