Тошкент давлат юридик университети тадбиркорлик (бизнес) ҲУҚУҚИ

IV БОБ. Тадбиркорлик субъектларининг банкротлиги 
Банкротлик тушунчаси. Банкротлик тўғрисидаги қонунчилик. 
Банкротликка оид ҳуқуқий институтлар. Судгача санация. 
Банкротлик тўғрисидаги ишларни судда кўриб чиқиш тартиби. 
Кузатув. Суд санацияси. Ташқи бошқарув. Келишув битими ва уни 
тузиш тартиби. Банкрот корхонани тугатиш. Банкротликнинг 
соддалаштирилган таомиллари. Айрим тадбиркорлик фаолияти 
субъектлари банкротлигининг хусусиятлари. 
Ҳиндистондаги “МанСин” корпорацияси ижро органи раҳбари 
Манжид Сингх Ўзбекистон Республикасида ўз корхонасининг 
келажакда самарали фаолият юритишини таъминлаш мақсадида 
иқтисодий 
қийинчиликларни 
бартараф 
қилиш 
воситалари, 
банкротликка учрамаслик йўллари билан қизиқди. Шунинг учун, 
корпорациянинг юридик департаменти бошлиғи Ранжит Сингхдан 
Ўзбекистонда банкротлик бўйича қабул қилинган норматив-ҳуқуқий 
ҳужжатлар, тадбиркорлик субъектларининг банкротлиги билан 
боғлиқ қўлланиладиган таомиллар, ушбу жараёнда судларнинг 
вазифалари каби масалаларда маълумотлар тайёрлаб беришни 
сўради. 
Банкротлик тушунчаси 
Банкротлик 
институти 
ўз 
тўлов 
қобилиятини 
тиклаш 
имкониятига эга иқтисодий ночор корхоналарни молиявий 
соғломлаштириш орқали ёки иқтисодий ночор, рентабелсиз ва 
истиқболсиз тадбиркорлик фаолияти субъектларини иқтисодий халос 
қилиш йўли билан иқтисодиётни мустаҳкамловчи амалдаги 
механизмлардан бири ҳисобланади. 
Банкротлик институти
– тадбиркорлик фаолияти субъектлари 
ўртасидаги муносабатлар, амалиётда ва ҳуқуқий тартибга солиш 
тизимида нисбатан янги институт бўлиб, бозор иқтисодиёти 
шароитида унинг ўрни ва ривожи алоҳида аҳамиятга эгадир. 
Банкротлик институти мулкий муносабатларни тартибга солувчи 
муҳим ҳуқуқий қурол, воситалардандир.
Банкротлик институтининг олдига