Тошкент давлат юридик университети тадбиркорлик (бизнес) ҲУҚУҚИ

“Ишбилармонлик муҳитини янада 
тубдан яхшилаш ва тадбиркорликка янада кенг эркинлик бериш 
чора-тадбирлари тўғрисида”
ги Фармонига асосан тадбиркорлик 
субъектларининг тижорат банклари олдидаги тадбиркорлик ва бошқа 
тижорат таваккалчилиги билан боғлиқ олинган кредит бўйича 
шартнома мажбуриятларини бажармаса, бу банк-молия ходимларини 
жинойи жавобгарликка тортиш учун асос бўлмаслиги белгиланди 
(Пункт 21 Перечня норм и мер, направленных на дальнейшее 
улучшение условий для предпринимательской деятельности, 
вводимых в действие с 1 августа 2012 года. Приложение № 1 к Указу 
Президента РУз от 18.07.2012 г. № УП-4455).
 
НАЗОРАТ САВОЛЛАРИ: 
 
1.
Кредит олиш учун қандай ҳужжатлар талаб этилади?
2.
Кредит шартномасининг муҳим шартларини тушунтириб 
беринг.
3.
“Меъмор” МЧЖ курилиш материалларини ишлаб чиқариш 
мақсадида ускуна сотиб олиш учун “Альфа” тижорат банкидан 200 
млн. сўм миқдорида 60 ой муддатга йиллик 10% фоизли кредит 
ажратиш ҳақида ариза билан мурожаат қилган. Гаров сифатида МЧЖ 
унга тегишли бўлган бино-иншоот ва кредит ҳисобига сотиб 
олинадиган ускунани тақдим этишини маълум қилган.

---

VIII БОБ. Тадбиркорлик субъектларини молиялаш ва кредитлаш 
асослари
251 
Банк ходимлари гаровга тақдим этилаётган бино-иншоотни 
жойида кўриб, уни 125 млн. сўмга баҳолаб, келишув 
далолатномасини тузишган ва МЧЖ раҳбаридан имзолаб беришни 
сўраган. МЧЖ раҳбари “Гарант” баҳоловчи ташкилоти томонидан бу 
кўчмас мулк 150 млн. га баҳоланганини айтиб, далолатномани 
имзолашдан бош тортган.
МЧЖ раҳбари гаровга тақдим этилаётган бино-иншоотини 150 
млн. сўмга, ҳамда қолган қисмига кредит ҳисобига сотиб олинаётган 
ускунани тақдим этишини банкка берган аризасида кўрсатган.
Банк аризага жавобан берилаётган кредит таъминоти Банкнинг 
кредит сиёсатига асосан 125% бўлиши, яъни гаров суммаси 250 млн. 
сўм миқдорни ташкил этиши кераклиги, бино-иншоотни 125 млн. га, 
ускуна ўрнига қолган 125 млн. сўмлик кафиллик ёки кафолат ва 
ликвидли бўлган автомобиль воситасини тақдим этса, 200 млн. сўм 
кредитни 12 фоиздан 48 ой муддатга ажратишга тайёрлигини баён 
қилган.
“Меъмор” МЧЖ раҳбари бундай шартлар асосида кредит олишга 
норози ва ҳуқуқий ёрдамга муҳтож.
Ушбу вазиятга ҳуқуқий баҳо беринг.
4.
“Бинокор” МЧЖ хизмат кўрсатувчи банк филиалига қурилиш 
объекти бўйича ўтказиладиган тендерда қатнашиш учун банкдан 50 
млн. сўм миқдорда кафолат хати беришни сўраб мурожаат қилди. 
“Бинокор” МЧЖ тендерда қатнашиш учун 1та “HOWO” юк 
машинаси ва 1 та “KITO” юк кўтаргич сотиб олди.
Банк филиали “Бинокор” МЧЖга кафолат хатини тақдим этди. 
Тендер комиссияси берилган кафолат хати тегишли тартибда 
расмийлаштирилмаганлигини, кафолат банк филиали бошқарувчиси 
томонидан эмас, балки банк бошқаруви раиси томонидан 
имзоланиши кераклигини кўрсатиб, уни қайтариб берди ва шу 
сабабли “Бинокор” МЧЖ тендерда иштирок этиш учун 
ҳужжатларини олмаслигини маълум қилди.
“Бинокор” МЧЖ кафолат хатини қайтадан расмийлаштириб, 
топширгунча белгиланган муддат ўтиб кетди ва тендер комиссияси 
унинг ҳужжатларини қабул қилмади.
“Бинокор” МЧЖ раҳбари ушбу ҳолат юзасидан судга мурожаат 
қилди ва банк филиалидан етказилган моддий (1та юк машинаси ва 
1та юк кўтаргич) ва маънавий зарарни ундириб беришни талаб қилди. 
Ушбу вазиятга ҳуқуқий баҳо беринг.

---

IX БОБ. Биржалар фаолияти ва қимматли қоғозлар бозорини ҳуқуқий 
тартибга солиш