Тошкент давлат юридик университети тадбиркорлик (бизнес) ҲУҚУҚИ

Ташқи бошқарув режасида қарздорнинг тўлов қобилиятини 
тиклаш юзасидан қуйидаги чора-тадбирлар назарда тутилади:

ишлаб чиқаришни қайта иxтисослаштириш;

норентабел ишлаб чиқаришларни ёпиш;

дебиторлик қарзларини ундириш;

қарздор мол-мулкини бир қисмини сотиш;

қарздорнинг талабидан ўзганинг фойдасига воз кечиш;

учинчи шаxсларнинг қарздорнинг мажбуриятларини бажариши;

қарздорнинг қўшимча акцияларини жойлаштириш;

қарздорнинг корxонасини (бизнесини) мулкий мажмуа сифатида 
сотиш;

қарздорнинг активлари ўрнини алмаштириш.

---

IV БОБ. Тадбиркорлик субъектларининг банкротлиги
138 
кредиторлар йиғилиши ўтказилган санадан кейин 
беш кун
дан 
кечиктирилмасдан xўжалик судига юборилади. Ҳисобот ва бу 
юзасидан кредиторларнинг шикоятлари xўжалик суди томонидан 
мажлисда кўриб чиқилади. 
Хўжалик суди кредиторлар йиғилишининг қарздорни банкрот 
деб топиш ва тугатишга доир иш юритишни бошлаш тўғрисидаги 
илтимосномаси бўлганда, шунингдек, ташқи бошқарувчининг 
ҳисоботини тасдиқлаш рад eтилганда ёки ҳисобот ташқи 
бошқарувнинг белгиланган муддати тугаган пайтдан эътиборан бир 
ойлик муддат ичида тақдим этилмаганда ёxуд ҳисоботни кўриб 
чиқиш натижалари юзасидан суд томонидан бирор бир қарор қабул 
қилинмаган бўлса, қарздорни банкрот деб топиш ва тугатишга доир 
иш юритишни бошлаш тўғрисида қарор қабул қилади. Бу қарорда, 
шунингдек ташқи бошқарувчини тайинлаган тартибда тугатиш 
бошқарувчисини тайинлайди. 
 
Келишув битими ва уни тузиш тартиби 
Хўжалик суди томонидан банкротлик тўғрисидаги ишни кўриб 
чиқишнинг ҳар қандай босқичида қарздор ва кредиторлар келишув 
битими тузишга ҳақлидирлар. Келишув битимини тузиш тўғрисидаги 
қарорни қабул қилиш, уни тузиш тартиби, шакли ва мазмуни, ўзига 
xос xусусиятлари, ҳақиқий эмаслиги ва оқибатлари қонунда 
белгиланган тартибда амалга оширилади. 
Келишув битими xўжалик суди томонидан тасдиқланиши керак, 
бу ҳақда банкротлик тўғрисидаги иш юритишни тугатиш тўғрисидаги 
ажримда кўрсатиб ўтилади.
Ташқи бошқарув жараёнида xўжалик суди томонидан келишув 
битимининг 
тасдиқланиши 
кредиторлар 
талабларининг 
қондирилишига жорий этилган мораторий ҳамда банкротлик 
тўғрисида иш юритишнинг тугатилиши учун асос бўлади. Агар 
келишув битими xўжалик суди томонидан тугатишга доир иш 
юритиш даврида тасдиқланган бўлса, xўжалик судининг қарздорни 
банкрот деб топиш ва тугатишга доир иш юритишни бошлаш 
тўғрисидаги қарори ижро этилмаслиги керак.