Тошкент давлат юридик университети модуль: “тадбиркорлик (бизнес) ҲУҚУҚИ”

ТОШКЕНТ ДАВЛАТ ЮРИДИК УНИВЕРСИТЕТИ
Модуль: “ТАДБИРКОРЛИК (БИЗНЕС) ҲУҚУҚИ”

7-мавзу: Ташқи иқтисодий фаолиятнинг ҳуқуқий тартибга солиниши (Исаева Ф.Б.)

Ўқув машғулоти натижасида: мазкур ўқув машғулоти талабада тадбкорлик субъектларининг ташқи иқтисодий фаолият тушунчаси;, экспорт ва импорт; ташқи иқтисодий контрактларнинг экспертизаси; Ўзбекистон Республикасидан ташқаридаги инвестиция фаолияти қандай йўллар билан амалга оширилиши мумкинлиги ҳақида билимлар шаклланади. Машғулот сўнггида талаба пудрат ва у билан боғлиқ хизматларга доир экспорт шартномалари бўйича ташқи иқтисодий операцияларни амалга ошириш тартибини, шунингдек ташқи иқтисодий контрактларнинг экспертизаси ва рўйхатдан ўтказилиши тартибини ўрганади.


Қандай фаолияти ташқи иқтисодий фаолият деб аталади?
Ташқи иқтисодий фаолият – Ўзбекистон Республикаси юридик ва жисмоний шахсларининг хорижий давлатларнинг юридик ва жисмоний шахслари, шунингдек халқаро ташкилотлар билан ўзаро фойдали иқтисодий алоқаларни ўрнатиш ва ривожлантиришга қаратилган фаолият


Импорт ва экспорт операцияларнинг фарқи нимада?
Импорт – божхона ҳудудига олиб кирилган товарлар уларни ушбу ҳудуддан олиб чиқиб кетиш мажбуриятисиз бу ерда доимий қолиши. Экспорт – товарлар божхона ҳудудидан ташқарига уларни ушбу ҳудудга қайтариб олиб кириш мажбуриятисиз олиб чиқилиши
Концессия нима?
Концессия – чет эллик инвесторга хўжалик фаолиятининг муайян тури билан шуғулланиш учун давлат номидан бериладиган рухсатнома, давлат чет эллик инвесторга концессия шартномаси асосида мол-мулк, ер ва ер ости участкаларини топшириши
Бартер шартномаси қандай шартнома?
Бартер шартномаси – келишиб олинган миқдордаги бир товарни бошқа бир товарга ўзаро ҳисоб-китобларни валютада амалга оширмасдан алмаштиришни назарда тутувчи шартнома.
INCOTERMS нима?
INCOTERMS – Халқаро савдо палатаси томонидан товарларни халқаро олди-сотди шартномалари билан боғлиқ тадбиркорлик амалиётларни ўз ичига олган савдо атамаларининг биринчи учта харфларининг қисқартмасини ифодаловчи қоидалар. Инкотермс қоидалари асосан товарни сотувчидан сотиб олувчига етказиб беришдаги мажбурият, баҳо ва таваккалчилик шартларини белгилаб беради.