Toshkent davlat yuridik universiteti mamasiddiqov muzaffarjon musajonovich esanova zamira normurotovna

 
9.5. Hal qiluv qarorini chiqarmasdan turib 
ish yuritishni tugatish 
 
Sud quyidagi hollarda ish yuritishni tugatadi: 
1) 
ish sudga taalluqli bo‘lmasa; 
2) 
fuqarolik  ishlari  bo‘yicha  sudning,  iqtisodiy  sudning  yoki 
ma’muriy  sudning  yoxud  chet  davlat  vakolatli  sudining  ayni  bir  taraflar 
o‘rtasidagi, ayni bir predmet to‘g‘risidagi va ayni bir asoslar bo‘yicha nizo 
yuzasidan  qonuniy  kuchga  kirgan  hal  qiluv  qarori  yoki  da’vogarning  arz 
qilingan  talablaridan  voz  kechishini  qabul  qilish  to‘g‘risidagi  yoxud 
taraflarning kelishuv bitimini tasdiqlash haqidagi ajrimi mavjud bo‘lsa; 
3) 
da’vogar  arz  qilingan  talablaridan  voz  kechgan  va  sud  bu  voz 
kechishni qabul qilgan bo‘lsa; 

---

 
FUQAROLIK PROTSESSUAL HUQUQI  
 
 
4) 
taraflar  kelishuv  bitimi  tuzgan  va  u  sud  tomonidan  tasdiqlangan 
bo‘lsa; 
5) 
hakamlik  sudining  ayni  bir  taraflar  o‘rtasidagi,  ayni  bir 
predmet to‘g‘risidagi va ayni bir asoslar bo‘yicha nizo yuzasidan hal qiluv 
qarori  mavjud  bo‘lsa,  bundan  sud  hakamlik  sudining  hal  qiluv  qarorini 
majburiy  ijro  etish  uchun  ijro  varaqasini  berishni  rad  etgan  hollar 
mustasno; 
6) 
ish  bo‘yicha  taraflardan  biri  bo‘lgan  fuqaroning  vafotidan  so‘ng 
nizoli huquqiy munosabat huquqiy vorislikka yo‘l qo‘ymasa; 
7) 
ish bo‘yicha taraf bo‘lib qatnashayotgan tashkilot tugatilgan bo‘lsa 
(FPKning 124-moddasi).
 
Ish  yuritish  sudning  ajrimiga  binoan  tugatiladi.  Agar  ish  yuritish 
ishning sudga taalluqli bo‘lmaganligi sababli tugatilsa, sud arizachi qaysi 
organga  murojaat  qilishi  kerakligini  ko‘rsatishi  shart  bo‘ladi.  Ish  yuritish 
tugatilgan  taqdirda,  ayni  bir  taraflar  o‘rtasidagi,  ayni  bir  predmet 
to‘g‘risidagi  va  ayni  bir  asoslar  bo‘yicha  nizo  yuzasidan  sudga  ikkinchi 
marta murojaat qilishga yo‘l qo‘yilmaydi.