Toshkent davlat yuridik universiteti mamasiddiqov muzaffarjon musajonovich esanova zamira normurotovna

 
 

---

 
 
114 
FUQAROLIK PROTSESSUAL HUQUQI  
 
9.2. Ish ko‘rishni keyinga qoldirish 
 
Ish ko‘rishni keyinga qoldirish bir qator oqibatlarni  yuzaga keltiradi. Xususan, ishni ko‘rish 
keyinga  qoldirilgan  taqdirda,  keyinga  qoldirilgan  ishni  ko‘rish  qolgan  joyidan  davom  ettiriladi. 
Biroq, FPKning 39-moddasida sanab o‘tilgan yangi shaxslarni, xususan, taraflar, uchinchi shaxslar, 
ularning  vakillari,  ariza  beruvchilar  va  sudda  ko‘rilayotgan  alohida  tartibda  yuritiladigan  ishlar 
bo‘yicha  boshqa  manfaatdor  shaxslar,  prokuror,  ishda  boshqa  shaxslarning  huquqlari  va  qonun 
bilan qo‘riqlanadigan manfaatlarini himoya qilishda ishtirok etadigan davlat boshqaruvi organlari, 
tashkilotlar  va  ayrim  fuqarolarni  jalb  qilish  uchun  keyinga  qoldirilgan  ishlar  bundan  mustasno. 
Chunki bunday holda ishni ko‘rish yangidan boshlanishi lozim. 
Fuqarolik protsessual kodeksining 223-moddasida sud ish muhokamasini quyidagi hollarda 
keyinga qoldirishi mumkin: 
 
 
 
 
tartib fuqarolar tomonidan 
ommaviy tarzda 
buzilganda
raislik qiluvchi tomonidan 
ogohlantirilganidan so‘ng 
prokuror yoki advokat 
uning farmoyishlariga 
bo‘ysunmaganida
taraflar (uchinchi shaxslar) 
tomonidan sud majlisidagi 
tartib buzilganda
o‘ziga sud chaqiruv 
qog‘ozi yoki boshqa 
xabarnomalar 
topshirilganligi to‘g‘risida 
ma’lumotlar mavjud 
bo‘lmagan ishda ishtirok 
etuvchi shaxslardan biror-
biri sud majlisiga 
kelmaganda
tegishli tarzda xabardor 
qilingan ishda ishtirok 
etuvchi shaxslardan biror-
biri sud tomonidan uzrli 
deb topilgan sabablarga 
ko‘ra sud majlisiga 
kelmaganda
tegishli tarzda xabardor 
qilingan taraflar sud 
majlisiga uzrli sabablarsiz 
kelmaganda, agar ulardan 
birortasidan ham sud 
muhokamasi ularning 
ishtirokisiz o‘tkazilishi 
to‘g‘risida ariza kelib 
tushmagan bo‘lsa
sud majlisiga guvoh, 
tarjimon, ekspert yoki 
mutaxassis kelmaganda, 
agar ularning ishtirokisiz 
ishni ko‘rish imkoni 
bo‘lmasa
da’vogar ishni 
javobgarning ishtirokisiz 
ko‘rishga rozi 
bo‘lmaganda
qarshi da’vo taqdim 
etilganda
sud majlisi yuritishda 
texnik vositalaridan, 
shu jumladan 
videkonferensaloqa 
tizimidan 
foydalanilganda texnik 
nosozliklar kelib 
chiqqanda
qo‘shimcha dalillar 
taqdim etish yoki talab 
qilib olish zarur 
bo‘lganda
ishda ishtirok etish 
uchun boshqa shaxslar 
jalb qilinganda yoki 
boshqa protsessual 
harakatlar amalga 
oshirilganda

---

 
FUQAROLIK PROTSESSUAL HUQUQI  
 
 
Sud  ishni  sud  majlisida  ko‘rish  imkoni  bo‘lmagan  boshqa  hollarda 
ham muhokamani keyinga qoldirishi mumkin. 
Sud  muhokamasi  uni  keyinga  qoldirish  uchun  asos  bo‘lgan 
holatlarni  bartaraf  etish  uchun  zarur  bo‘lgan  muddatga,  sud 
muhokamasining  FPKda  nazarda  tutilgan  muddati  doirasida  keyinga 
qoldirilishi mumkin. 
Sud ish muhokamasini keyinga qoldirganda, keyingi sud majlisining 
vaqtini  belgilaydi,  bu  haqda  hozir  bo‘lgan  shaxslarga  imzo  qo‘ydirgan 
holda e’lon qiladi. Sudga kelmagan va sud protsessida ishtirok etish uchun 
yangidan jalb qilinadigan shaxslar keyingi sud majlisining vaqti to‘g‘risida 
FPKning 
16-bobida 
nazarda tutilgan tartibda xabardor qilinadi. 
Ish  ko‘rishni  keyinga  qoldirish,  shuningdek  ish  yuritishni  to‘xtatib 
turishdan  o‘zining  asosi,  huquqiy  oqibati,  muddati  va  shikoyat  berish 
tartibi bilan o‘zaro farqlanadi.