Тошкент давлат юридик университети Конституциявий ҳуқуқ кафедрасининг 2020/2021 ўқув йили кузги семестр давомида ўтиладиган ҳар бир модул хусусиятидан келиб чиққан ҳолда оралиқ назорат сони, шакли ва тартиби

Вазиятга ҳуқуқий баҳо беринг.


6-казус

1. 
   С.Азизова Малайзия ҳукумати томонидан эълон қилинган Малайзия техник ҳамкорлик дастури грантида иштирок этиш учун ҳужжатлар тайёрлади. С.Азизова фаолият олиб борадиган адвокатлик ҳайъати раҳбари номидан йўлланма хат олди. Йўлланма хат ўзбек тилида ёзилган эди.
   
2. 
   Малайзия техник ҳамкорлик дастури гранти учун ҳужжатлар Малайзиянинг Ўзбекистондаги элчихонасига Ўзбекистон Республикаси Ташқи ишлар вазирлиги орқали топширилиши керак эди. С.Азизова 2019 йил 15 март куни ҳужжатларни Ташқи ишлар вазирлигига олиб борди. Аммо, Ташқи ишлар вазирлигининг чет эл грантлари учун масъул бўлган бошқармасида фаолият олиб борувчи ходими С.Азизовага ўзбек тилида ёзилган йўлланма хатни қабул қила олмаслигини, уни рус тилида тайёрлаб келишни сўради.
   
3. 
   С.Азизова бунинг сабаби нимада эканини сўраганда Ташқи ишлар вазирлигининг грантлар билан ишлайдиган бошқарма халқаро грантлар номзодлари учун бериладиган йўлланма хатлар рус тилида қабул қилиниши тартиб-қоидага айлангани, бунга барча номзодлар риоя қилиб келаётганини таъкидлади.
   
4. 
   С.Азизова бундан норози бўлиб 2019 йил 18 март куни Ўзбекистон Республикаси Вазирлар Маҳкамасининг Давлат тилини ривожлантириш департаментига шикоят билан мурожаат этди. Департамаент ваколатлари доирасида С.Азизованинг мурожаатини ўрганиб чиқишга киришди.
   
5. 
   Ўрганиш натижаларига кўра, Ташқи ишлар вазирлиги томонидан фуқаро С.Азизовадан халқаро грантда иштирок этиш учун у фаолият олиб бораётган муассасанинг раҳбари томонидан ўзбек тилида тақдим этилган йўлланма хатни қабул қилиш рад этилгани ҳамда уни рус тилида тайёрлаб келиш талаб этилгани давлат тили тўғрисидаги қонун ҳужжаталари билан ўрнатилган қоидаларнинг бузилишига олиб келган. Яъни, бунда давлат ҳокимияти ва бошқарув органларида иш давлат тилида юритилиши ва фуқаролар давлат ташкилотлари ва муассасаларига мурожаатни давлат тилида тақдим этиш ҳуқуқига эга экани эътиборга олинмаган.
   
6. 
   Ўзбекистон Республикаси Ташқи ишлар вазирлиги томонидан бунга жавобан халқаро грант номзодларининг ҳужжатлари учун берилган йўлланма хатлар фуқаро мурожаати ҳисобланмаслиги, ўзбек тилида топширилган йўлланма хатларни қабул қилмаслик эса давлат тилида иш юритиш жараёни ҳисобланмаслигини айтиб ўтилди.