Toshkent davlat yuridik universiteti jinoyat huquqi

 
3.2. Jinoyatlarni tasniflash 
 
Jinoyatlarni u yoki bu belgilariga qarab turkumlarga (guruhlarga) ajratish 
jinoyatlarni tasniflash deb aytiladi. Jinoyatni tasniflashda ularning u yoki bu 
belgilari mezon sifatida olinadi yoki O‗zbekiston Respublikasi jinoyat huquqida 
jinoyatlarni tasniflashning ikki turi nazarda tutilgan. 
1.
 
Jinoyatlarni ijtimoiy xavflilik darajasiga qarab tasniflash; 
2.
 
Jinoyatlarni obyektga qarab tasniflash. 
Jinoyatlarni ijtimoiy xavflilik darajasiga qarab tasniflash masalasi 
O‗zbekiston Respublikasi Jinoyat kodeksining 15-moddasida o‗z yechimini 
topgan. Bu moddada belgilanishicha, JKning Maxsus qismida nazarda tutilgan 
barcha jinoyatlar ijtimoiy xavflilik darajasiga qarab to‗rtta turkumga bo‗lingan. 
Bular:
1) ijtimoiy xavfi katta bo‗lmagan jinoyatlar; 
2) uncha og‗ir bo‗lmagan jinoyatlar; 
3) og‗ir jinoyatlar; 
4) o‗ta og‗ir jinoyatlar.