Тошкент Давлат юридик университети Ихтисослаштирилган филиал Коррупцияга қарши курашиш модули

2-савол: Коррупцияга қарши курашиш тизимининг ривожланиши.
Ўзбекистон Республикаси Президенти Ш.Мирзиёев томонидан амалга оширилаётган иқтисодий, сиёсий, ижтимоий ва бошқа соҳаларда амалга оширилаётган асосий ислоҳотарининг ўнтасини ичида коррупцияга қарши кураш сиёсати етакчи ўринда туради. Бу ҳолат мамлакатимиз етакчиси ва парламенти томонидан қабул қилинаётган коррупцияга қарши курашиш борасида қабул қилинаётган қонун ҳужжатларни кўлашдан ҳам кўриниб турибди. Кейинги йилларда қабул қилинаётган кўпчилик қонун ҳужжатларнинг барчасида коррупцияга қарши кураш масаласи қизил чизиқ билан белгилаб кетилган ва бунда мамлакатимизда коррупцияга қарши сиёсатнинг асосий йўналишлари кўрсатилган.
Мамлакатимизда коррупцияга қарши самарали кураш олиб бориш мақсадида 2017 йил 3 январда Ўзбекистон Республикаси “Коррупцияга қарши курашиш тўғрисида”ги қонунининг қабул қилиниши – давлат органлари ва фуқаролик жамияти институтларининг коррупцияга қарши куч ва имкониятларини бирлаштириб, яхлит тизимни яратиш имконини берди.
Мазкур қонуннинг 5-моддасида кўра, коррупцияга қарши курашиш соҳасидаги давлат сиёсатининг асосий йўналишлари сифатида:
– аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш;
– давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш;
– коррупцияга оид ҳуқуқбузарликларни ўз вақтида аниқлаш, уларга чек қўйиш, уларнинг оқибатларини, уларга имкон берувчи сабаблар ва шарт-шароитларни бартараф этиш, жавобгарликнинг муқаррарлиги принципини таъминлаш белгиланди.
Қонуннинг 26-моддасига кўра, “Давлат органларининг ходимлари уларни коррупцияга оид ҳуқуқбузарликлар содир этишга кўндириш мақсадида бирор-бир шахс ўзларига мурожаат этганлигига доир барча ҳолатлар тўғрисида, шунингдек давлат органларининг бошқа ходимлари томонидан содир этилган шунга ўхшаш ҳуқуқбузарликларнинг ўзларига маълум бўлиб қолган ҳар қандай фактлари ҳақида ўз раҳбарини, ёхуд ҳуқуқни муҳофаза қилувчи органларни хабардор этиши шарт. Ушбу мажбуриятни бажарилмаслиги жавобгарликка сабаб бўлади”-дейилган.