Тошкент Давлат юридик университети Ихтисослаштирилган филиал Коррупцияга қарши курашиш модули

Ўзбекистон Республикасида коррупцияга қарши курашиш институционал тизимни қуйидагилар ташкил этади:
Ўзбекистон Республикаси Президенти
Ўзбекистон Республикаси Олий Мажлиси
Ўзбекистон Республикаси Вазирлар Маҳкамаси
Ўзбекистон Республикаси Олий суди
Ўзбекистон Республикаси Бош прокуратураси
Ўзбекистон Республикаси Ҳисоб палатаси
Ўзбекистон Республикаси вазирлик ва муассасалари
Маҳаллий давлат ҳокимияти органлари
Коррупциявий жиноятлар содир этилишини олдини олишда назорат тизимлари:
Парламент назорати
Жамоатчилик назорати
Прокурор назорати
Давлат молиявий назорати
Маъмурий назорат
Тадбиркорлик субъектларини ҳимоя этиш соҳасидаги назорат.
Ундан ташқари, халқаро назорат шакли ҳам мавжуддир, Масалан, 2003 йилда Иқтисодий ривожланиш ва ҳамкорлик ташкилоти томонидан Шарқий Европа ва Марказий Осиё давлатлари учун Коррупцияга қарши Стамбул ҳаракат дастури қабул қилинган ва Ўзбекистон Республикаси унга 2010 йилда қўшилган, шу даврдан бошлаб Ўзбекистонда мунтазам коррупцияга қарши курашиш ишлари монторинг қииниб келинмоқда.
Иқтисодий ҳамкорлик ва ривожланиш ташкилоти Котибияти томонидан коррупцияга қарши курашишнинг Истанбул ҳаракатлар режасининг мониторинги тўртинчи давраси доирасида Ўзбекистон бўйича ҳисоботи Тармоқнинг 2019 йил 21 мартдаги ялпи мажлисида қабул қилинганлиги ва Ўзбекистонга такрорий ташриф ҳисоботни тақдимот қилиш, унинг тавсияларини келгусида бажариш бўйича муҳокама қилиш мақсадида ташкил қилинганлиги таъкидлаб ўтилган.
Ҳисоботда Ўзбекистоннинг 3-раунд мониторинги якуни бўйича тавсияларининг бажарилиши ва коррупцияга қарши курашишни кучайтириш таҳлили қайд этилган. Мониторинг жараёнида асосий эътибор коррупцияга қарши курашишга оид сиёсат, коррупцияни олдини олиш ва коррупцияга оид жиноятлар учун жиноий жавобгарликка тортишга қаратилган. Илк маротаба ҳисоботда солиқ соҳасидаги коррупция хавфларининг чуқур тадқиқотлари ҳам киритилган.
Экспертлар томонидан мамлакат раҳбариятининг коррупцияни йўқ қилиш борасидаги комплекс чора-тадбирларни амалга ошириш масалаларидаги очиқ сиёсий иродаси ва “Халқ давлат идораларига эмас, балки давлат идоралари халқимизга хизмат қилиши керак”,- деган принцип асосида мутлоқа янги тизимли коррупцияга қарши курашиш ислоҳотларини бошлаш қайд этилган.
Ислоҳотлар натижасида, Ўзбекистон барча тавсиялар бўйича амалий тадбирларни бажарилиши юзасидан ижобий натижага эришган.
Хусусан, мониторинг натижасига кўра, Ўзбекистон барча тавсиялар бўйича прогресс мавжудлиги рейтингига эришганлиги, шундан 3 та тавсиялар бўйича тўлиқ бажарилиши, 8 тасининг деярли бажарилиши ва 10 тасининг қисман бажарилиши қайд этилган.
Конференция жараёнида ҳисоботнинг ҳар бир қисмига оид хулосалар, давлат органлари, фуқаролик жамияти ва ишчи доираларнинг коррупцияга қарши курашиш соҳасида янги тавсияларни бажарилиши йўналишидаги ҳаракатлари муҳокама қилинган.
Конференция натижасига кўра, Истанбул Ҳаракатлар режасининг давлат ва хусусий секторлар ҳамда фуқаролик жамиятлар институтлари учун берилган янги тавсиялари бўйича Ўзбекистон томонидан бажарилиши бўйича чора-тадбирлар режаси ишлаб чиқилиши кўзда тутилган.