|
Коррупцияга қарши курашиш сиёсатининг норматив-ҳуқуқий асосларини такомиллаштиришни стратегик йўналишлари:
давлат хизмати тизими, унинг мақсадлари ва вазифаларини тубдан такомиллаштириш;
тадбиркорликнинг ривожланиши учун ҳуқуқий чекловларни ва ташкилий тўсиқларни олиб ташлаш;
давлат хизматларини тақдим этиш ва маъмурий тартиб-тамойилларини тартибга солишнинг ҳуқуқий ва институционал асосларини такомиллаштириш;
маъмурий ислоҳотларни амалга ошириш, давлат органларининг вазифаларини оптималлаштириш, давлатга тегишли бўлмаган функцияларни хусусий секторга ўтказиш;
коррупцияга қарши кураш соҳасида суд ва ҳуқуқни мухофаза қилиш органларининг мақсадлари, вазифалари ва функцияларини оптималлаштириш;
давлат органлари, жамоат ва фуқаролик жамияти институтлари ўртасида алоқа каналларини йўлга қўйиш;
кадрлар тайёрлаш, қайта тайёрлаш ва малакасини ошириш тизимини такомиллаштириш, юқори аҳлоқий меъёрларни шакллантириш.
Шунингдек, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясининг 2.4-бандида жиноятчиликка қарши курашиш ва ҳуқуқбузарликларнинг олдини олиш тизимини такомиллаштириш борасида жиноятчиликка қарши курашиш ва ҳуқуқбузарликларнинг олдини олиш борасидаги фаолиятни мувофиқлаштиришнинг самарадорлигини ошириш билан бир қаторда коррупцияга қарши курашиш сиёсатининг ташкилий-ҳуқуқий механизмларини такомиллаштириш ва коррупцияга қарши курашиш тадбирларининг самарадорлигини ошириш вазифаси белгиланган.
Республикамизда коррупцияга қарши курашиш сиёсати кўплаб қонун ҳужжатларда ўз ифодасини топган улар қаторига бир қатор қонунлар, Президент Фармонлари, Вазирлар Маҳкамасининг қарорлари киради ва қуйида биз уларнинг айримларини келтириб ўтамиз:
Ўзбекистон Республикасининг 2017 йил 3 январдаги “Коррупцияга қарши курашиш тўғрисида”ги қонуни Ўзбекистон Республикасида коррупцияга қарши кураш сиёсатининг асосий йўналишлари белгилаб берилган ва “коррупция”, “коррупцияга оид ҳуқуқбузарлик”, “манфаатлар тўқнашуви” каби асосий тушунчалар, коррупцияга қарши курашнинг асосий принциплари бу борадаги давлат сиёсати, коррупцияга қарши курашиш бўйича идоралараро комиссиялар ва давлатнинг ваколатли органлари, нодавлат нотижорат ташкилотлари, ОАВ қатнашиши, аҳолини коррупцияга қарши курашиш соҳасидаги ҳуқуқий онг ва ҳуқуқий маданиятини юксалтириш ва ҳ.к.
Ўзбекистон Республикасининг Жиноят, Жиноят процессуал, Маъмурий жавобгарлик, Меҳнат кодекслари, “Давлат харидлари тўғрисида”ги, “Жамоатчилик назорати тўғрисида”ги ва ҳ.к. қонунлари.
Ўзбекистон Республикаси Президентининг 2019 йил 3 октябрдаги “Ўзбекистон Республикасида кадрлар сиёсати ва давлат фуқаролик хизмати тизимини тубдан такомиллаштириш чора-тадбирлари тўғрисида”ги
ПФ-5843-сон Фармони асосида Ўзбекистон Республикаси Президенти ҳузуридаги Давлат хизматини ривожлантириш агентлиги ташкил этилди.
Ўзбекистон Республикаси Президентининг 2019 йил 3 октябрдаги ПҚ-4472-сон “Ўзбекистон Республикаси Президенти ҳузуридаги Давлат хизматини ривожлантириш агентлиги фаолиятини ташкил этиш чора-тадбирлари тўғрисида”ги қарори билан Агентлик Низоми тасдиқланди.
Шу билан бирга Ўзбекистон Республикаси Президентининг бир қатор фармон ва қарорлари қабул қилинган бўлиб, улар жумласига: 2017 йил
2 февралдаги “Коррупцияга қарши курашиш тўғрисида”ги Ўзбекистон Республикаси қонунининг қоидаларини амалга ошириш чора-тадбирлари тўғрисида”ги ПҚ-2752-сон Қарори, 2019 йил 9 январдаги “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида ПФ-5618-сон Фармони, 2019 йил 27 майдаги “Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида”ги ПФ-5729-сонли Фармони, 2020 йил 29 июндаги ПФ-6013-сонли “Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлари тўғрисида”ги Фармони, 2020 йил 29 июндаги “Ўзбекистон Республикаси Коррупцияга қарши курашиш агентлиги фаолиятини ташкил этиш тўғрисида”ги ПҚ-4761-сонли Қарори ва бошқалар.
2020 йилнинг 29 июнь куни Ўзбекистон Республикаси Президентининг “Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида”ги Фармони қабул қилиниши мамлакатимизда коррупцияга қарши курашиш борасида яна бир қўйилган муҳим қадамлардан бири бўлди.
Ушбу фармонга асосан Ўзбекистон Республикаси Коррупцияга қарши курашиш агентлиги ташкил этилиши белгиланди.
Шунингдек, фармонга асосан агентлик коррупциянинг олдини олиш ва унга қарши курашиш соҳасида давлат сиёсатини шакллантириш ва амалга ошириш, давлат органлари, оммавий ахборот воситалари, фуқаролик жамияти институтлари ва бошқа нодавлат сектор вакилларининг биргаликдаги самарали фаолиятини таъминлаш, шунингдек, мазкур соҳадаги халқаро ҳамкорлик учун масъул бўлган махсус ваколатли давлат органи ҳисобланиши, фаолиятини қонунийлик, холислик, ҳисобдорлик, очиқлик ва шаффофлик принциплари асосида бошқа давлат органлари, ташкилотлар ва уларнинг мансабдор шахсларидан мустақил равишда амалга ошириши, Ўзбекистон Республикаси Президентига бўйсуниши ва Ўзбекистон Республикаси Олий Мажлиси палаталари олдида ҳисобдордирлиги, Ўзбекистон Республикаси Президенти томонидан лавозимга тайинланадиган ва лавозимдан озод этиладиган директор томонидан бошқарилиши, Ўзбекистон Республикаси Президентининг Агентлик директорини лавозимга тайинлаш ва лавозимидан озод қилиш тўғрисидаги фармонлари Ўзбекистон Республикаси Олий Мажлиси Сенати томонидан тасдиқланиши ҳамда агентликнинг асосий вазифалари ва фаолият йўналишлари, ҳуқуқлари каби масалалар белгилаб берилган.
Шу билан бирга Ўзбекистон Республикаси Президентининг 2020 йил 29 июндаги “Ўзбекистон Республикаси коррупцияга қарши курашиш Агентлиги фаолиятини ташкил этиш тўғрисидаги” ПҚ-4761-сон қарори қабул қилинди.
Коррупциявий омиллар - ҳуқуқни қўлловчиларга асоссиз равишда кўриб чиқишнинг кенг доирасини ёки умумий қоидалардан чиқувчи истисноларни асоссиз қўллаш имкониятини белгиловчи, жисмоний ва юридик шахсларга ноаниқ, бажарилиши қийин бўлган ва (ёки) оғирлаштирилган талабларни, шунингдек ҳуқуқни тартибга солишдаги бўшлиқларни ўз ичига олган лойиҳаларнинг нормаларидир.
Do'stlaringiz bilan baham: |
