Toshkent davlat yuridik instituti o. T. Xusanov

 
 
§ 7. Saylovlarni tashkil qilish va o„tkazish 
 
Saylovlarni tashkil qilish va o„tkazish, mantiqiy ketma-ketlikka asoslangan, 
qonunlarda aniq muddatlari ko„rsatilgan tadbirlar tizimidan iborat. Bu saylov 
jarayoni ham deb ataladi. 
Birinchi
tadbir bu saylov jarayonini boshlanishiga asos soluvchi xarakat – 
ya'ni saylov kampaniyasini boshlanganligini e'lon qilish (bo„shab qolgan o„rinlarga 
saylov tayinlash) hisoblanadi. O„zbekistonda barcha saylovlarda saylov 
kampaniyasini boshlanganligini e'lon qilish, Markaziy saylov komissiyasining 
vakolatiga kiradi va u tegishli organlarining vakolat muddati tugaganidan kamida 
uch oy oldin e'lon qilinadi. 
Ikkinchi. Saylov okruglari va saylov uchastkalarini tuzish. 
Oliy Majlisning Qonunchilik palatasi saylovda mamlakat bo„yicha 135 ta 
okrug tuziladi, unda saylovchilar soni teng bo„lishiga erishiladi. 
Mahalliy Kengashlarga saylovda viloyatlar va Toshkent shahri uchun 60 
tagacha okrug, tuman va shahar Kengashlari uchun saylovda 30 tagacha okrug 
tuziladi. Saylov okruglari saylovga kamida yetmish besh kun qolganda tuziladi. 
Qonunchilik palatasiga va Prezident saylovida okruglar, viloyatlar, Toshkent 
shahri hokimlari va Qoraqalpog„iston Jo„qorg„i Kengesi taqdimiga muvofiq 
Markaziy saylov komissiyasi tomonidan tuziladi. 

---

309 
Viloyat, tuman, shahar Kengashlariga saylov o„tkazishda okruglarni shu 
Kengashga saylov o„tkazuvchi komissiya tomonidan saylovdan kamida yetmish 
besh kun qolganda e'lon qilinadi. 
Saylov uchastkalari saylovchilarga qulay sharoit yaratish uchun saylovga 
kamida oltmish kun qolganda, qoida tariqasida kamida yigirma nafar, ko„pi bilan 
uch ming saylovchiga tuziladi. Istisno tariqasida saylov uchastkalari olis joylarda, 
xorijdagi vakolatxonalarda saylovga kamida besh kun qolganda ham tuzilishi 
mumkin. Saylov uchastkalari okrug saylov komissiyalari tomonidan (Qonunchilik 
palatasi va Prezident saylovida) tuziladi. 
Mahalliy Kengashlarga saylovlarda saylov uchastkalarini tegishli Kengashga 
saylov o„tkazuvchi saylov komissiyasi tomonidan tuziladi. Saylov uchastkalari 
hokimliklar, harbiy qism qo„mondonlari taqdimnomasi asosida tuziladi. 
Qonunchilik palatasi, Prezident saylovida xorij mamlakatlaridagi vakolatxonalarda 
Tashqi ishlar vazirligini taqdimnomasiga asosan Markaziy saylov komissiyasi 
tomonidan saylov uchastkalari tuziladi va ularni qaysi okruglar tartibiga kiritish 
masalasini Markaziy saylov komissiyasi hal qiladi.