Тошкент давлат транспорт университети” “Транспорт ҳаракатини ташкил этиш ” кафедраси Битирув олди малакавий иши

Хулоса..............................................................................................................50


ФОЙДАЛАНИЛГАН АДАБИЁТЛАР РЎЙХАТИ.......................................................51


КИРИШ

Курс ишининг мақсади бўлажак мутахассисларнипоезд тузиш режасининг ҳар бир йўналиши бўйича юк поездларини жўнатиш усулларини кўллаш ва улардан самарали вариантини танлашга тайёрлаш. Бунда талабалар олдига қуйидаги икки вазифа қўйилади:

а) мустақил равишда тавсия қилинган адабиётлар ва вагонлар оқими ҳақидаги бошланғич маълумотлар бўйича саралаш станциясидаги поездларни тузиш жараёнини ўрганади ҳамда тузилган поездларни ҳар хил таркибда ўзгарувчан ва ўзгармас график асосида жўнатиб, ҳар бир ҳолат бўйича станция кўрсаткичларини ҳисоблаш;
б) юк поездларни меъёрий таркиби белгиланган ва белгиланмаган ҳар хил вариантли график асосида жўнатишга сарфланадиган ҳаражатлар асосида техник-иқтисодий ҳисоблар олиб бориш.
Ушбу фан бўйича курс ишини бажариш мобайнида талабалар участка ва йўналишларда вариантли поездлар ҳаракатини ташкил этиш ва уларнинг самарали вариантини танлаш бўйича билим ва амалий кўникмаларга эга бўладилар.
Курс ишини ишлаб чиқишда талабалар қуйидаги ишларни бажариши талаб қилинади:

• 
  поезд тузиш режасининг ҳар бир йўналиши бўйича саралаш парки йўлларига тушаётган вагонлар гуруҳлари миқдорининг суткалик ўзгариш қонуниятларини аниқлаш;
  
• 
  юк поездларини ўзгармас график асосида жўнатиш жадвалларини ишлаб чиқиш;
  
• 
  юк поездларни меъёрий таркибда ва ундан камайтириб ҳамда ўзгармас график асосида жўнатишда таркиблар йиғилиш жараёни кўрсаткичларини ҳисоблаш;
  
• 
  поезд тузиш режасининг ҳар бир йўналиши бўйича юк поездларини меъёрий таркибда ва ундан камайтириб ҳамда ўзгармас график асосида жўнатишда вагонлар ҳаракати ҳаражатларини ҳисоблаш;
  
• 
  участка ва йўналишлардаги вагонлар оқими миқдори ва уларнинг суткалик ўзгаришини инобатга олиб техник-иқтисодий ҳисобларни бажариш ва улар асосида поездлар ҳаракати графигининг самарали вариантини танлаш.
  

Ушбу умумий мавзу доирасида курс ишнинг топшириғида бериладиган саралаш станциялари ва участкаларнинг қуйидаги асосий кўрсаткичлари ҳисобланади:
1) поезд тузиш режасининг ҳар бир йўналиши бўйича саралаш йўлларига тушаётган вагонларнинг суткалик миқдори;
2) саралаш станциялардаги таркиблар йиғилишига сарфланадиган вагон-соатлар миқдори;
3) поездларни перегонга жўнатишнинг вариантли графиги бўйича участка ва йўналишлардаги поездлар сони;
4) участка ва йўналишларда вагонларни ҳаракатлантиришга сарфланадиган ҳаражатлар.