Тошкент давлат транспорт университети амалиётчининг хисоботи Талаба Бозоров Омонжон Махамаджон ўғли

8. Бошқарманинг сунъий иншоотлар бўлими

46. 
    Бўлим йўл хўжалиги бошқармасининг раҳбар ходимлари таркибига киради ва сунъий темир йўл қурилмалари поездлар хавфсиз ҳаракатлинишини таъминлаш ишларини ташкил қилади.
    
47. 
    Бўлим бевосита бошқарма бош муҳандиси назорат килади.
    
48. 
    Бўлимга бўлим бошлиғи раҳбарлик қилади. У Бошқарма бошлиғи таклифи билан ЎТЙ бошқарув раиси буйруғи билан лавозимига тйинланади ва озод қилинади. Бўлим бошлиғи лавозимига олий темир йўл муҳандислиги ва техник маълумотига, йўл транспортида камида 5 йиллик иш тажрибасига эга бўлган шахс тайинланади (асосий касб ва лавозимлар классификаторига мувофиқ).
    
49. 
    Бўлим ўз фаолиятида Ўзбекистон Республикасининг қонунларини, Президент фармони ва фармойишлари, Вазирлар Маҳкамасининг қарорларини, ЎТЙ раҳбарияти, бошқарма бошлиғи буйруқлари ва кўрсатмалари, ички меҳнат қоидалари ва ушбу Низомни қўллайди.
    
50. 
    Бўлимнинг асосий вазифалари қуйидагилардан иборат:
    

сунъий иншоотларга техник хизмат кўрсатиш, жорий сақлаш, таъмирлаш, техник жиҳатдан барқарор ҳолатда поездларнинг ҳаракатини белгиланган тезликда хавфсиз ўтишини таъминлаш масаллаларида йўл масофаларида иш ташкил этиш ва бошқариш;
сунъий иншоот ва кўприклар қуриш, барча таъмирлаш ишларига оид масалаларда Кўприк қурилиш поездини (Бухоро КҚП) назорат қилиш ва бошқариш;
сув ва сел тошқинлари ўтиши учун сунъий иншоот ва ер тўшамасини тайёрлаш ишларини ташкил этиш;
сунъий иншоотлар ва ер тўшамаси элементлари ва қурилмаларини ҳизмат муддатини юқори даражада узайтириш;
сунъий иншоотлар ва ер тўшамасини тубдан таъмирлаш, нуқсонли сунъий иншоот ҳамда унинг алоҳида қисмларини алмаштириш ишларини режалаштириш ва бажарилишини назорат қилиш;
сунъий иншоотлар ва йўл ускуналарини тубдан таъмирлаш учун керакли махсулотларга талабнома бериш ҳамда тақсимлаш;
сунъий иншоотлар ва ер тўшамаси бўйича лойиҳаларни мувофиқлаштириш;
сунъий иншоотлар ва ер тўшамасини тубдан таъмирлаш ишларини лойиҳалаштириш учун техник шартлар ва вазифаларни тақдим этиш;
кўприк синов станциясини тезкор ва хўжалик бошқариш;
сунъий иншоотлар ва ер тўшамаси учун техник паспортини текшириш;
сунъий иншоотлар ва ер тўшамаси бўйича мавжуд бўлган меъёрий ҳужжатларни қайта ишлаш ва керак бўлса илмий-тадқиқот корхоналарни жалб қилиш;
илғор тажрибаларни ўрганиш ва жорий этиш, тажриба алмашиш мактаблар ўтказиш.