Toshkent davlat texnika universiteti tasdiqlayman

b) evritermin termofillar uchun haroratning maksimum chegarasi 70-75°C, optimum nuqtasi 50-65°C boʻlib, 28-30°C da juda sekin koʻpayadi, tabiatda keng tarqalgan guruh;
v) termotolerant formalar uchun haroratning maksimum chegarasi 50-65°C, optimum 35-45°C boʻlishi kerak, 30-60°C oraligʻida juda tez koʻpayadi. Tabiatda tuproqda, goʻngda, issiq buloq suvlarida keng tarqalgan guruhdir. Termofill bakteriyalarda modda almashinuv jarayoni juda jadal boradi. Shuning uchun ular juda tez koʻpayadi va yaxshi rivojlanadi. Termofill bakteriyalar hujayrasidagi fermentlar yuqori harorat ta’sirida inaktivasiya(nofaol holat)ga uchraydi. Shuning uchun bu bakteriyalardan korxonalarda keng foydalanish mumkin. A.L. Imshenskiy fikricha termofill bakteriyalar mezofillardan kelib chiqqan. Tabiatdagi oʻzgarishlar, jumladan, haroratning koʻtarilishi mezofillarning koʻpchiligini nobud qilsa, bir qismi tirik qoladi va yuqori haroratga moslashadi. Bora-bora yuqori harorat ular uchun zaruriy omil boʻlib qolgan. A.L. Imshenskiyning bu fikri E.N. Mishustin tomonidan tasdiqlangan.
Mikroorganizmlarga namlikning ta’siri. Bakteriyalarning namlikka chidamliligi turlicha. Ba’zilar oʻta chidamli boʻlsa, boshqalari juda chidamsiz boʻladi. Masalan, gonokokklar, meningokokklar, leptospirillalar va faglar namlikka chidamsiz boʻlsa, vabo vibrioni 2 kun, dizenteriya tayoqchasi 7 kun, difteriya tayoqchasi 30 kun, qorin tifi tayoqchasi 70 kun, stafilokokklar va sil tayoqchasi esa 90 kungacha namsizlikka chidaydi.
Bakteriyalar hujayrasi quritilganda, sitoplazmasi suvsizlanadi va oqsillar denaturasiyaga uchraydi. Shu hodisadan foydalanib, oziq-ovqat mahsulotlarini quritilgan holda uzoq muddat saqlash mumkin boʻladi. Masalan, goʻsht, baliq, uzum, rezovor mevalar quritilgan holda saqlanadi. Shu maqsadda oziq-ovqatlar mahsulotlori, masalan, konservalar past harorat va yuqori bosim ostida suvsizlantiriladi (sublimatsiya), keyin esa tez sovutib muzlatiladi. Shakarlar, vitaminlar, fermentlarni sublimatsiya yoʻli bilan uzoq muddat saqlash mumkin.