Toshkent davlat texnika universiteti tarixi, strukturasi, fakultetlari va kafedralari haqida ma’lumot

«Yer usti transport tizimlari » kafedrasining tarixi
Kafedra mashinasozlik fakulteti tarkibiga kiradi.
1940 yilda O‘rta Osiyo industrial instituti Mexanika fakultetining "Avtomobillar va avtoxo‘jalik" kafedrasida "Avtomobillar" mutaxassisligi ochildi va mamlakat avtoxo‘jalik sohasi uchun muhandis-mexanik mutaxassislar yetishtirib bera boshladi.

Rasm 1. Kafedraning birinchi mudiri dos. Ninov A.N., o‘qituvchilar Gandzyura P.M.,.Sverdlin V.I. va o‘quv ustasi Osipov S.A. dala sinovlarida

Urushdan keyingi yillarda Uzbekiston mashinasozliksanoatipaxtachiliknikompleks mexanizatsiyalashlashtirish uchun zarur bo‘lgan barcha turdagi Qishloq xo‘jalik mashinalariva kurollarini ishlab chiqarishga qaratildi. 1948 yilda shu kafedra asosida "Traktorsozlik" kafedrasi tashkil etilgan va "Traktorsozlik"mutaxassisligi "Qishloqxo‘jalik mashinalari" mutaxassisligi bilan birlashtirilgan.

1950 yildan boshlab kafedra "Qishloq xo‘jalik mashinalari" kafedrasi deb atala boshlandi. Unga dotsent A. N. Ninov mudirlik qilgan, o‘kituvchi va xodimlar jamoasi V.I Sverdlin, K.I Afanasev, L.M Teplyakov, V.N Shirokov, P.M.Gandzyura, F.Lyubechanskiylardan iborat edi. Kafedra bitiruvchilari soni yildan-yilga oshib bordi-1950 y.da 13 kishi, 1951 y.da-20, keyingi yillarda 25 tadan, 1957 yildan boshlab ushbu mutaxassislik bo‘yicha yiliga 50 tadan muhandis-mexaniklar tayyorlab berildi.

Kafedra jamoasi A.N.Ninov raxbarligida pedagogik faoliyat bilan birgalikda kafedrada paxtachilik traktorini yaratish ustida tajriba- konstruktorlik va tadqiqot ishlarini olib bordilar. Natijada mazkur traktorning tajriba nusxasi yaratildi.
1965-77 yillarda kafedra dastlab "Qishloq xo‘jalik mashinalari" va so‘ng "Qishloq xo‘jalik mashinalari va traktorlar" deb atala boshladi va unga prof. A. H. Hamidov raxbarlik qildi. Bu davrda paxtachilikni mexanizatsiyalash borasida, ayniqsa chigit ekish mashinalari bo‘yicha salohiyatli ilmiy-tadqiqot ishlari olib borildi, 4 texnika fanlari nomzodi tayyorlandi.

1.2-rasm. Kafedra mudiri prof. A.X. Hamidov bitiruvchi kurs talabalari bilan dala amaliyotida