Тошкент Давлат техника

Вертикал шарнир. Т-150К тракторининг олинги ярим рамасида ажраладиган втулкаларга эга бўлган вертикал шарнир ўрнатилган. Улар рухсат этилган чегарадан ортиқ ейилган ҳолларда техник талабларга мувофиқ алмаштирилади. «Кировец» тракторида бундай ҳолат кўзда тутилмаган. Ундаги втулка фақат горизонтал шарнирнинг крестовина корпуси қулоқларига катта таранглик билан ўрнатилган. Уни чиқариб олиш учун махсус мосламанинг мавжуд эмаслиги сабабли, улар кувалда ёрдамида уриб чиқарилади. Бу жараённи амалга ошириш жуда мураккаб, иш унуми жуда ҳам паст. Олдинги ярим рама қулоқларидаги тешик чегарадан ортиқ ейилган ҳолларда втулка алмаштирилганда ҳам тракторнинг иш қобилятини ошишига олиб келмайди ва бундай таъмирлашдан сўнг ярим рамада янада каттароқ ейилиш содир бўлишига олиб келади. Ярим рама алмаштириладиган ҳолларда, трактор капитал таъмирлашдагидек бўлакларга ажратилиши ва йиғилиши лозим. Ишлатиш жараёнида вертикал шарнирдаги носозликларни бартараф этиш зарурияти, ушбу бирикмани таъмирлаш жараёнини тракторнинг ўзида ўтказиш усулларини ва воститаларини яратишни тақазо қилади.
Вертикал шарнирни трактор бўлакларга ажратмасдан таъмирлаш қуйидагича олиб борилади. Ўқларнинг ейилган қисмидаги эллипсликни бартараф этиш мақсадида улар йўнилади, сўнг эса улар корбанат ангидриди муҳитида тебранма ёй усулида эритиб қоплаш йўли билан таъмирланади. Сўнг ўқнинг учларининг икки томони ташқарисидан 4-5º бурчак остида йўнилади.
Ўқларнинг ҳар бири учун ички конусга эга бўлган втулка ясалади. Втулкада ўлчами 1-2 мм лик бўйлама ариқча ҳосил қилинади. Узунлиги 60 мм бўлган втулка олдинги яримраманинг юқорги ва пастги қулоқларига, узунлиги 55 мм бўлган втулка эса ўрта қулоққа ўрнатилади. Олдинги яримрама қулоқларнинг тешигига ўрнатилган втулка ва шайбага эга бўлган ўқлар махсус болтлар билан, гайка ёрдамида қотирилади. Ўқларни мойлаш учун крестовина корпусининг горизонтал шарнири қулоқлари тешилиб, унга резба очилади ва пресс-мойлагич ўрнатилади.
Яримрама ва ўқ втулкалари орасидаги тирқиш вақти-вақти билан гайка ёрдамида ростланади.
Сервис хизматини кўрсатувчи корхоналарнинг устахоналарида ОР-16348 комплекти ёрдамида «Кировец» тракторининг олдинги яримрама қулоқлари вертикал шарнир ўкига, ҳамда горизонтал шарнир крестовинаси корпусининг втулкасига ўрнатиш тешиги йўнилиши мумкин. Таъмирлаш комплекти таркибига йўниш қурилмаси, олдинги яримрама ва горизонтал шарнирнинг корпусига қотириш учун махсус кронштейнлар, олиб юриладиган кабелли электр пулти, сақлаш ва иш жойига ташиш аравачаси киради. К-701 тракторининг олдинги яримрамасини йўниш қурилмасида кўрсатилган.
Йўниш қурилмаси траверса ёрдамида ўрнатилади, у юк кўтариш мосламасининг илгагига кийдирилади. Асбоб ишлаётганда борштанга ёрдамида силжитилиб турилади, силжитиш қўлда юргизиш витига ўрнатилган червяк ғилдирагини айлантирувчи маховикча ёрдамида амалга оширилади.
Шарнирли бирикмани таъмирлаш ОР-16348 комплектидан фойдаланиб икки усулда амалга оширилади.