Тошкент Давлат техника

IКS-5, «Volgar-5», IGК-ZOM hashak maydalovchilari. Xarak­terli nosozliklari: baraban va deklarini, ikkilamchi kesish apparatining harakatlanuvchi va qo‘zg‘olmas pichoqlarining ishdan chiqishi; tishlarning, parraklarning va maydalovchi apparatning eyilishi va de­formasiyasi. Ushbu nosozliklarning sabablari quyidagilardan iborat: ishchi organlarni qayta ishlov beradigan maxsulotlarga nisbatan ishqalanib eyilishi; abraziv, oksidlanib va elektr-kimyoviy eyilishlar va b.
Baraban tishlarining ishchi qirralari 7 mm kenglikkacha eyilganda, rezbalik qisim va konusli qirralari egilgan bo‘lsa, ular yaroqsiz hisoblanadi. Tishning ishchi qirrasi kamroq eyilganda ular temirchilik usulida cho‘ziladi, undan so‘ng toblanadi va bo‘shatiladi.
Baraban yig‘ilgandan so‘ng statik bansirovkadan o‘tadi.
«Volgar-5» maydagichining ikkilamchi kesish apparatining pichoqlari. Pichoq ta’mirlanganda, ularni sormayt qotishmasi bilan eritib qoplash maqsadga muvofiq. Qoplangan qattiq qotishma natijasida pichoqning yon qirralari o‘z-o‘zidan o‘tkirlanadigan bo‘lib qoladi va ularning qayta o‘tkirlash texnik resursi 5-8 marotabaga ortadi.
КDU-2 rusumda maydalovchi va kesuvchi apparatlari. Xarakterli nosozliklari: maydalovchilarning, barmoqlarning va maydalash baraban panjaralarini eyilishi.
Bosqichli qirrali maydalovchi barabanning maydalovchilari 4 mm dan ko‘proq yeyilgan bo‘lsa, yeyilmagan ishchi sirt bilan ishlash uchun buriladi. Panjaralar almashtiriladi. Barmoqlar va maydalagich orasidagi tirqish 1 mm gacha bo‘lsa, barmoqlar almashtiriladi.
Go‘ngdan tozalash transporterlarining zanjirlari. Go‘ngdan tozalash transpotyorlarining asosiy ishchi organi bo‘lib, tortish zanjiri hisoblanadi. Ish jarayonida unga o‘zgaruvchan yuklama ta’sir ko‘rsatadi, ularning maksimal qiymatlari 20 kN gacha etishi mumkin. Bunday kuch ta’sirida palanka va o‘qlarni oksidlanish, abraziv va elektrokimyoviy eyilishlar natijasida zanjirning qadami kattalashadi. Uni ta’mirlash uchun chegaraviy kattalashuvi 5% ni tashkil qiladi. TSN-2 transporterining zanjiri ta’mirlanishdan avval zanjirning yuvilgan detallari korroziyadan va galtovka barabanidagi qoldiq go‘ngdan tozalanadi.