Тошкент давлат техника университетида талабаларни рағбатлантириш Кенгаши тўғрисида низом i-боб. Умумий қоидалар

II-боб. Кенгашнинг асосий вазифалари ва функциялари
2. Қуйидагилар Кенгашнинг асосий вазифалари ҳисобланади:
белгиланган тартибда тасдиқланган университетда ўқув семестри якуни бўйича фанларни ўзлаштираётган, иқтидорли, жамоат ишларида фаол бўлган ва ижтимоий ҳимояга муҳтож бўлган талабаларни моддий рағбатлантириш тартибига қатъий риоя этган ҳолда меъёрлари, қоидалари ва мезонларига сўзсиз риоя қилишини таъминлаш ва назорат қилиш;
белгиланган семестр якуни бўйича моддий рағбатлантиришга даъвогар талабаларнинг аризасини кўриб чиқиш;
моддий рағбатлантиришга даъвогар талабалар университетда ўқув семестри якуни бўйича фанларни ўзлаштираётган, иқтидорли, жамоат ишларида фаол бўлган ва ижтимоий ҳимояга муҳтож бўлган талабаларни моддий рағбатлантириш тартиби ва мезонларининг барча талабларга риоя этишларини таъминлаш ва назорат қилиш;
белгиланган семестр якуни бўйича моддий рағбатлантиришга даъвогар талабаларнинг фаолиятини баҳолаш ва белгиланган стипендияси миқдорига нисбатан устама белгилаш.
3. Университет талабаларни рағбатлантириш Кенгаши ўзига юкланган вазифалардан келиб чиқиб қуйидаги функцияларни амалга оширади:
моддий рағбатлантиришга даъвогар талабаларнинг ҳужжатларни тасдиқланган тартиб ва мезонларга мувофиқ кўриб чиқади, маъқуллайди, устама белгилайди, рағбатлантириш учун тавсия қилади ва Университет ҳисобхонасига маълумотни тақдим қилади;
Университет талабаларини моддий рағбатлантириш амалиётини янада ривожлантириш механизм, тартиб ва мезонлари ишлаб чиқилишида иштирок этади, уларни кўриб чиқади, тасдиқлайди ва талабаларни рағбатлантиришини амалга оширилишида бевосита иштирок этади;
белгиланган тартибда тасдиқланган университетда ўқув семестри якуни бўйича фанларни ўзлаштираётган, иқтидорли, жамоат ишларида фаол бўлган ва ижтимоий ҳимояга муҳтож бўлган талабаларни моддий рағбатлантириш тартиби ва мезонларига асосланган ўзгартиришлар киритилишига, уларни такомиллаштиришга қаратилган ҳамда Кенгаши ваколатига кирувчи масалалар юзасидан таклифлар киритади;
Университет талабаларини моддий рағбатлантириш тартиб ва мезонларини асосланган ҳолда ўзгартириш, ривожлантириш бўйича давлат бошқаруви органлари, Университет бўлинмалари, талаба-ёшлар, юридик ва жисмоний шахсларнинг таклифларини кўриб чиқади ҳамда асосланган таклифлар асосида Университет Кенгашига тавсиялар киритади;