Тошкент давлат техника университетида талабаларни рағбатлантириш Кенгаши тўғрисида низом i-боб. Умумий қоидалар

V-боб. Кенгаш котибининг фаолияти
11. Кенгашнинг котиби вазифасини бажариш Ўзбекистон Ёшлар иттифоқининг университетдаги бошланғич ташкилоти ёшлар етакчиси – Университет ректорининг ёшлар масалалари бўйича маслаҳатчиси зиммасига юкланади, унинг ваколатига қуйидагилар киради:
Кенгаш мажлисига зарур бўлган ҳужжатларнинг ўз вақтида тайёрланишини таъминлаш, Кенгаш мажлисига материаллар тайёрлаш ва мажлис ишини ташкил этиш;
Кенгаш раиси билан мажлис ўтказиш муддатлари ва жойи, шунингдек таклиф этилувчилар рўйхатини келишиш, Кенгаш аъзолари ва таклиф этилган шахсларни мажлис ўтказиладиган сана, вақти, жойи тўғрисида хабардор қилиш;
кун тартибидаги масалалар бўйича Кенгаш мажлислари ўтказилишини ташкил қилиш, Кенгаш мажлиси баёнларини расмийлаштириш ва тасдиқланган баёнларнинг Кенгаш аъзолари ва бошқа манфаатдор Университет бўлинмалари ва ташкилотларга юборилишини ташкил этиш;
Кенгаш қарорлари ижроси мониторингини олиб бориш ва унинг якунларини кўриб чиқиш учун Кенгаш мажлисига киритиш.


VI-боб. Кенгаш томонидан қарорлар қабул қилиш ва уларнинг бажарилишини таъминлаш
12. Кенгаш қарори Кенгаш мажлисида қатнашаётган аъзоларининг оддий кўпчилик овози билан қабул қилинади. Овозлар тенг бўлган тақдирда Кенгаш раисининг овози ҳал қилувчи ҳисобланади.
Кенгашнинг ҳар бир аъзоси қабул қилинаётган қарорлар юзасидан ўз фикрини ёзма равишда билдириш ҳуқуқига эга.
13. Кенгаш аъзоси йиғилишда иштирок этмаган бўлса ариза (аризалар) Кенгаш аъзоси вакили бўлган бўлинма билан келишилган деб ҳисобланади (узрли сабабларга кўра ҳолатлар бундан мустасно). Бундай ҳолатларда ушбу бўлинма ваколатидаги масалалар бўйича масъулият вакили иштирок этмаган бўлинмага юкланади.
14. Кенгаш қарорлари Кенгаш мажлиси баёни билан расмийлаштирилади. Кенгаш мажлиси баёни Кенгаш котиби томонидан имзоланади, Кенгаш раиси томонидан тасдиқланади ва уч кун муддатда Кенгаш аъзолари ҳамда манфаатдор ташкилотларга юборилади.
Баёнда кўриб чиқилган моддий рағбатланишга даъвогар талабаларнинг аризалари, асосланган сабабларини кўрсатган ҳолда, маъқуллаш ёки рад этиш тўғрисида аниқ хулоса акс эттирилади.
Кенгаш аъзолари муҳокама этилган масалалар хусусида баёнга ўзининг алоҳида фикрини киритишга ҳақли.
Кенгаш баёнининг асл нусхаси Тошкент давлат техника университетида беш йил мобайнида сақланади.
Кенгаш баёни (баёндан кўчирма) йўқолган ёки бузилган ҳолатларда талабаларнинг мурожаатига кўра уч кун муддатда унга баён нусхаси (дубликати) берилади.
15. Кенгашнинг аризани маъқуллаш тўғрисидаги ижобий қарори (баёни) талабани моддий рағбатлантириш тўғрисида маълумотни университет ҳисобхонасига тақдим этиш учун асос бўлади.
16. Кенгаш ваколатлари доирасида қабул қилинган қарорлар университетнинг барча бўлинмалари ва талабалари томонидан бажарилиши мажбурийдир.
17. Кенгаш қабул қилинган қарорларнинг бажарилиши ҳолатини ўз мажлисларида мунтазам равишда кўриб чиқади.
18. Кенгашнинг иш тартиби унинг Кенгаш томонидан қабул қилинган Регламентида белгиланади.


VII-боб. Якунловчи қоида
19. Мазкур Низом талаблари бузилишида айбдор бўлган шахслар қонун ҳужжатларига мувофиқ жавоб берадилар.