Тошкент давлат техника университети ҳузуридаги педагог кадрларни қайта тайёрлаш ва уларнинг малакасини ошириш тармоқ маркази

Кейс-стади методининг келиб чиқиши ҳақида маълумот
Ушбу метод дастлаб 1920 йилда Гарвард бизнес мактабида қўлланилган. Гарвард бизнес мактабининг ўқитувчилари бизнес йўналишидаги аспирантура бўлими учун тўғри келадиган дарсликларнинг мавжуд эмаслигини тез англайдилар. Ушбу масалани ечиш учун бизнес мактабининг ўқитувчилари томонидан қўйилган дастлабки қадам етакчи бизнес амалиётчиларидан интервью олиш ҳамда мана шу менеджерларнинг фаолияти, унга таъсир этувчи омиллар юзасидан батафсил хисобот ёзиш бўлди.
Кейсда очиқ ахборотлардан ёки аниқ воқеа-ҳодисадан вазият сифатида таҳлил учун фойдаланиш мумкин. Кейс ҳаракатлари ўз ичига қуйидагиларни қамраб олади:

• 
  Ким (Who),
  
• 
  Қачон (When),
  
• 
  Қаерда (Where),
  
• 
  Нима учун (Why),
  
• 
  Қандай/ Қанақа (How),
  
• 
  Нима-натижа (What).
  

Кейс методини амалга ошириш босқичлари
1.Кейс билан танишув (индивидуал)
2.Асосий муаммони (ўқув муаммосини) ажратиб олиш ва ўрганиш (индивидуал ва кичик гуруҳларда)
3.Ғоялар йиғиш ва муаммонинг мақбул ечимини танлаш, моделлаштириш (кичик гуруҳларда)
4.Кейс ечими учун таклиф этилган ғояларни тақдимоти, таҳлил ва баҳолаш (ўқитувчи ва кичик гуруҳлар)
5. Кейс ечими ва тавсиялар
(ўқитувчи, кичик гуруҳлар ва индивидуал)
Кейс-методини амалга оширувчи ўқитувчи фаолиятининг босқичлари
1) тайёргарлик босқичи;
2) асосий босқич: кейс-стади методини амалга ошириш;
3) таҳлилий, баҳоловчи босқич.
1- босқич: Тайёргарлик босқичи. Аудиториядан ташқарида бажариладиган мураккаб илмий-тадқиқотчилик, услубий ва конструкциялаш фаолиятини ўз ичига олиб, ўқитувчи ҳаракатларининг қуйидаги изчиллиги билан боғлиқ бўлади:

• 
  кейсни яратади (агар тайёр кейсдан фойдаланилмаса);
  
• 
  таълим технологиясини лойиҳалаштиради ва режалаштиради;
  
• 
  талабаларни тайёрлайди, уларнинг кейс билан мустақил ишлаши учун ўқув ва услубий таъминотни ишлаб чиқади.