Тошкент давлат стоматология институти “тасдиқлайман” тдси ўкув ва тарбиявий ишлар

112 Расм : Пастки а)чап б) ўнг томондаги катта озиқ тишларни олаётганда бемор ва жаррохни жойлашиши
Омбурлар, элеваторлар ва бормашина ёрдамида тиш илдизларини олиш. Олинган тиш катагига ишлов бериш ва парваришлаш
Тож қисми емирилган тишларини олиш ҳам осон, ҳам кийин. Агарда илдиз атрофидаги суяк паталогик жараён натижасида емирилган ва сурилган бўлса, ундай илдизни олиш осон. Илдизлар чуқурда синган, атрофдаги суяк қалин ва қаттиқ бўлса, уларни олиш катта кийинчилик туғдиради.
Илдизлар махсус омбурлар билан олинади. Юқори жағларнинг илдизлари одатда тўғри, S шаклли ёки найзасимон, ишчи юзаси тор, учлари жипсланувчи омбурлар ёрдамида олинади. Пастки жағдаги илдизлар қирраси бўйича эгилган, тумшуқсимон, юзаси тор, учлари жипсланувчи омбурлар билан олинади. Альвео­ляр ўсиқ ва милкидан чиқиб турган якка илдизларни олишда тиш олиш операциясида ёзилган тартибдаги ҳаракатлар бажарилади. Дастлаб, олинаётган илдиздан айлана боғлам ва милк атрофлича чуқур қилиб ажратилади. Омбур дастаклари керилиб, милк тагига илдиз ўқи бўйича чуқур киритилади. Шунда омбур учлари альвео­ляр ўсиқни ҳам қисман қўшиб ушлаши ва илдизни маҳкам сиқиши ва ўрнидан силжитиш учун яхши ричаг ҳосил қилиши керак, акс ҳолда илдизнинг юқори қисми синиб, яна калталашади. Аста - секин тебранувчи ҳаракатлар қилиб илдиз жойидан силжитилади, боғламлари узилганидан сўнг суғуриб олинади.

Пастки жағ тишлар илдизларини олиш
Пастки жағнинг кесув тишларининг илдизларини олиш тож қисми сақланиб қолган тишни олишдек бажарилади. Фарқи илдиз атрофидаги суяк қисман қўшиб ушланади ва сиқканда синдириб олинади.

120 Расм: Пастки жағнинг кесув тишини илдизини олиш босқичлари: а) олинадиган илдизни жағда жойлашиши; б) омбурни илдизга солиб сўғириш; в,г) бурчакли элеватор ёрдамида илдиз учларини чикариб олиш.
Кичик озиқ тиш одатда узун ва йўғон бўлади, илдизини олаёт­ганда сербар лунжли омбур ишлатилади. Илдиз суяк билан қўшиб сиқилади, олдин лаб кейин тил томон тебратувчи ва енгил айлана ҳаракатлар бажарилиб ўрнидан силжитилади ва суғуриб олинади.
Пастки жағда катта озиқ тишларининг илдизини олиш анча кийин, чунки ўраб турган қалин суяк омбурни милк тагида чуқур киритишга йул бермайди. Суяк қалинлигидан омбур лунжлари сапчиб кетади ва илдизни сиқиб ушлаб бўлмайди.
Факат илдизлар атрофидаги суяк емирилган бўлса, учи юпқа эгилган элеватор ва бошқа асбоблар ёрдамида илдизларнинг бири чиқариб олинади, кейин иккинчиси қупориб ташланади. Зарурият тўғилганида икки элеватор ёрдамида олинади.