Toshkent davlat sharqshunoslik universiteti sharq sivilizatsiyasi va tarix fakulteti

Kurs ishining obyekti va predmeti. Kurs ishimiz obyekti sifatida dars tahlili, uning maqsad va vazifalari, undagi o‘qitish usullari, darslarni tashkil etishdagi masalalarni olishimiz mumkin. Ushbu mavzu haqida yozilgan maqolalar, ilmiy ish va izlanishlar kurs ishimiz predmeti hisoblanadi.
Kurs ishining nazariy-uslubiy asoslari. Har qanday ijtimoiy jamiyatda yosh avlod ta’lim-tarbiyasi muayyan maqsad asosida tashkil etiladi. Ta’lim-tarbiyaning maqsadi ijtimoiy jamiyat taraqqiyoti, uning rivojlanish yo‘nalishi, ijtimoiy munosabatlar mazmunidan kelib chiqib belgilanadi. Bugungi kunda O‘zbekiston Respublikasida tashkil etilayotgan ta’limtarbiyaning asosiy maqsadi komil insonni tarbiyalab voyaga etkazishdan iborat. “Kadrlar tayyorlash milliy dasturi”da alohida ta’kidlangan milliy model O‘zbekiston Respublikasining milliy-hududiy xususiyatlarini inobatga olish hamda ilg‘or fan, texnika va texnologiya yutuqlari asosida tayyorlangan kadr (mutaxassis) – komil inson va etuk mutaxassis qiyofasini o‘zida to‘laqonli aks ettiruvchi namunadir.
Kurs ishining nazariy- metodologik asosi sifatida zamon talabini inobatga olgan holda, ta’lim tizimini takomillashtirishga qaratilgan chora-tadbirlar hamda ular yuzasidan olib borilayotgan ishlar samamarasini ko‘rishimiz mumkin. Kurs ishi tarixiylik, obyektivlik, ilmiylik, xolislik, mantiqiy izchilik tamoyillariga asoslandi. Uslubiy jihatdan tahliliy va tanqidiy yondashildi.
Kurs ishining ilmiy yangiligi va ahamiyati. Har bir o‘qituvchi o‘qitishning ilg‘or samarali usdullarini izlashi yoxud an’anaviy usullaridan ijodiy foydalanishi kerak. Turli usullar darsni samarali tashkil etishga turtki bo‘ladi va katta ahamiyatga ega. Ilm-fan va innovatsiyalarni rivojlantirish, ularni ta’lim sohasiga yo ‘naltirish, kamchiliklarni to‘ldirish kabi masalalar zamonamizning ahamiyatli yumushlaridan hisoblanmoqda. Kurs ishimizda ham ushbu jihatlarga ko‘proq e’tibor qaratildi. Shuningdek, kurs ishidan o‘quvchilar uchun ta’lim tizimi hamda dars o‘tish masalalari haqidagi mavzularda ma’lumot sifatida foydalanish mumkin.