Тошкент давлат педагогика

Диссертация ишининг илмий-тадқиқот ишлари режалари билан боғлиқлиги. Мазкур тадқиқот иши “Маҳалла ва оила” илмий-тадқиқот институтининг ИТД-1. “Ахборотлашган жамият ва демократик давлатни ижтимоий, ҳуқуқий, иқтисодий, маданий, маънавий-маърифий ривожлантиришда инновацион ғоялар тизимини шакллантириш ва уларни амалга ошириш йўллари” мавзусидаги лойиҳаси доирасида бажарилган (2016-2020 йй.).
Тадқиқотнинг мақсади оилада ёшларнинг соғлом турмуш тарзи тўғрисидаги тасаввурлари шаклланишининг ижтимоий-психологик хусусиятларини очиб беришдан иборат.

Тадқиқотнинг вазифалари:

оилада ёшларнинг соғлом турмуш тарзи тўғрисидаги тасаввурлари шаклланишининг ижтимоий-психологик ва этнопсихологик омиллари: оилада соғлом турмуш тарзи тўғрисидаги тасаввурлар шаклланишининг мотивацион асослари, соғлом турмуш тарзига психологик муносабатнинг намоён бўлиши, ота-оналарнинг соғлом турмуш тарзи тўғрисидаги тасаввурлар шаклланишида намуна ва ўрнак тарзидаги таъсирини аниқлаш;
шахс руҳий саломатлигининг оилада ёшларнинг соғлом турмуш тарзи тўғрисидаги тасаввурлари шаклланишидаги ўрнини аниқлаш;
шахснинг ўз саломатлиги ва ота-она ҳамда бола муносабатларининг ёшларда соғлом турмуш тарзи тўғрисидаги тасаввурлар шаклланишига таъсирини ўрганиш;
ёшларда соғлом турмуш тарзи тўғрисидаги тасаввурлар шаклланишининг маънавий-маърифий ва тиббий-психологик омилларини таҳлил қилиш;
ёшларда соғлом турмуш тарзи тўғрисидаги тасаввурларни шакллантиришнинг ижтимоий-психологик жиҳатлари бўйича тавсиялар ишлаб чиқиш.
Тадқиқотнинг объекти сифатида оилада ёшларнинг соғлом турмуш тарзи тўғрисидаги тассаввурлари шаклланишининг ижтимоий-психологик хусусиятлари белгиланиб, тажриба-синовда Самарқанд, Навоий, Сурхондарё вилоятларидан 80 нафар 11-12 ёшдаги илк ўсмирлик ёшидаги, 240 нафар 13- 15 ёшдаги ўсмир, 130 нафар ўспирин ва 120 нафар ота-она қатнашди.
Тадқиқотнинг предметини оилада ёшларнинг соғлом турмуш тарзи тўғрисидаги тассаввурлари шаклланишининг ижтимоий-психологик хусусиятлари, ҳудудий ва этнопсихологик омиллари ташкил этади.