Тошкент давлат педагогика университети ҳузуридаги илмий даражалар берувчи

4-расм. Психокоррекцион дастурнинг механизми

Аниқловчи ва назорат тажрибаларининг қиёсий таҳлили қуйидаги 6-жадвалда батафсил ёритилган. Жадвалдан кўриниб турибдики, биринчи экспериментал гуруҳда аниқловчи тажрибада ҳасад ўрта арифметик қиймати 47,95 га тенг бўлса, назорат тажрибаларида бу кўрсаткич 32,5 га камайган. Стъюдент мезони орқали натижалар ўртасидаги фарқнинг аҳамиятлилик даражаси ўрганилганда, t = 13,99; p≤0,01 кўрсаткичга тенг бўлган аҳамиятли натижа намоён бўлди. Иккинчи экспериментал гуруҳда аниқловчи тажрибада ҳасад ўрта арифметик қиймати 53,05 га тенг бўлса, назорат тажрибаларида бу кўрсаткич 32,8 га камайган. Стъюдент мезони орқали натижалар ўртасидаги фарқнинг аҳамиятлилик даражаси текширилганда, t = 17,62; p≤0,01 кўрсаткичга тенг бўлган аҳамиятли натижа олинди.

6-жадвал.
Таъкидовчи ва назорат тажрибаси натижалари
ўртасидаги статистик тафовут (Стъюдент мезони бўйича)

Кўрсаткичлар	М1	М2	t – статистик фарқ кўрсаткичи
1-экспериментал гуруҳ	47,95	32,5	13,99**
2-экспериментал гуруҳ	53,05	32,8	17,62**
Назорат гуруҳи	29,48	31,08	-1,18

Изоҳ: ** p≤0,01.
М_{1 –} таъкидловчи тажриба ўрта арифметик қиймати;
М_{2 –} назорат тажриба ўрта арифметик қиймати.

Назорат гуруҳида эса аниқловчи тажрибаларда ҳасад ўрта арифметик қиймати 29,48 га тенг бўлган бўлса, назорат тажрибаларида бу кўрсаткич 31,08 га ўзгарган, олинган натижалар аҳамиятсиз. Олинган натижалар ҳақида аниқроқ тасаввур ҳосил қилиш учун қуйидаги гистограммаларни ҳосил қилдик (4-расм).