Toshkent davlat pedagogika universiteti ilmiy axborotlari ilmiy-nazariy jurnali

TOSHKENT DAVLAT PEDAGOGIKA UNIVERSITETI ILMIY AXBOROTLARI 2021/ 6 - SON 
175 
Bundan tashqari, o‗qituvchining shaxsiy blogda tizimli ishlashi uning kasbiy 
faoliyatiga yangi maqom – innovatsion faoliyatni beradi va uni zamonaviy, ijodiy, 
raqobatbardosh professional shaxs sifatida shakllantiradi.
Blog deganda, shaxsan o‗qituvchi tomonidan kasbiy faoliyatdagi auditoriya 
va auditoriyadan tashqari soatlarda amaliy vazifalarni hal qilish uchun yaratilgan, 
shuningdek, o‗quv jarayoni ishtirokchilarining intellektual va aqliy rivojlanish 
darajalarini hisobga olgan holda foydalanuvchilarning yosh xususiyatlariga muvofiq 
to‗ldirilgan shaxsiy axborotlar tushuniladi [6]. 
Bloglarning ko‗p jihatdan afzalliklari mavjud bo‗lib, jumladan mustaqil 
ravishda maʼlumotlarni ochiq eʼlon qilish, taʼlimga oid yagiliklar to‗g‗risida sharhlar 
berish, elektron taʼlimiy resurslar bilan boyitib borish mumkin. Bloglardan taʼlim 
muassasalarida har bir fanni o‗qitishda foydalanish mumkin. Bundan tashqari, ular 
nafaqat o‗qituvchi va talabalar o‗rtasida taʼlimiy muloqot jarayonini tashkil qilish 
vositasi bo‗lib xizmat qilishi, balki talabalarga o‗z fikrlari bilan o‗rtoqlashish, kreativ 
qobiliyatlarini rivojlantirish va maʼlumotlar almashish imkoniyatini beradi. 
Blog taʼlim jarayoniga moslashuvchan vosita bo‗lib, ham individual ham 
jamoaviy vosita sifatida ishlatilishi mumkin [7]. 
O‗quv maqsadlarining yangi yechimi (ularning shaxsiy ehtiyojlari, 
intellektual rivojlanish vazifalariga yo‗naltirilganligi) muayyan taʼlim muassasalarida 
taʼlim mazmuni muammolarini taʼlim standartlari asosida hal qilishni talab qiladi. 
Polsin, Snayder va Gunislarning fikrlariga ko‗ra, kelajakdagi informatika 
o‗qituvchilarini tayyorlashda dasturlash tillarini o‗qitish doirasida taʼlim jozibador va 
bilimlarni amaliyotga qo‗llashni taʼminlash maqsadida yangi bilim, usul va shakllarni 
joriy etish muhimdir [8]. 
Dasturlash tillarini anʼanaviy tarzda o‗qitish, odatda, talabalar tomonidan 
qabul qilinadigan murakkab vazifalar va savollarni o‗z ichiga oladi, bu esa o‗quv 
materiallarining noto‗g‗ri tushunilishiga olib keladi. Anʼanaviy usullar bilan 
dasturlash tillarini o‗rganish muayyan dasturlash tilining sintaksisini o‗rganishga 
asoslangan bo‗lib, u talabalar orasida qiziqish uyg‗otmaydi yoki o‗zlashtirishda 
qiyinchiliklar tug‗diradi. Dasturlash tillarini o‗qitish vositalari boshqa fanlarni 
o‗qitishdan ko‗ra mutlaqo boshqacha rol o‗ynaydi. 
Respublikamizda 
o‗qitish 
texnologiyalarini 
zamonaviylashtirish, 
jadallashtirish iqtisodiy rivojlangan mamlakatlarga qaraganda yanada dolzarb 
ahamiyatga ega. Chunki hozirgi kunda milliy taʼlim tizimining salohiyati tizimli 
rivojlanishinig yanada yuqori pog‗onasiga ko‗tarilmoqda. 
Biz taklif etayotgan zamonaviy metodik tizimda Blog-texnologiyasini yangi 
usul sifatida, blogni o‗zini esa vosita sifatida qabul qilish maqsadga muvofiq bo‗lar 
edi. Blog-texnologiyasini joriy qilish pedagoglarga nafaqat o‗z kasbiy sohasidan 
yaxshi xabardor bo‗lish, balki talabalar salohiyatini: ijodkorligi, hamkorlikda ishlash 

---