Toshkent davlat pedagogika universiteti ilmiy axborotlari 2020/1(22) issn 2181-9580

TOSHKENT DAVLAT PEDAGOGIKA UNIVERSITETI ILMIY AXBOROTLARI
2020/1(22) 
o‘tilgan materialni mustahkamlash, matematik tushunchalarning ichki mohiyatlarini
chuqur anglash, ular orasidagi bog‘lanishlar mohiyatini tushunish orqali misol va 
masalalar yechish, seminar mashg‘ulotlarida matematikaning inson hayotida tutgan 
o‘rni, matematik tushunchalar, nazariya, kashfiyotlarning yaratilish tarixi, buyuk 
bobokalonlarimizning matematika faniga qo‘shgan hissalarini e’tirof etuvchi 
materiallar bilan boyitish maqsadga muvofiqdir. Oliy ta’limda bo‘lg‘usi boshlang‘ich 
sinf o‘qituvchilariga matematika tarixini o‘rgatish va uni takomillashtirishning 
funksional imkoniyatlaridan yana biri kurs va bitiruv malakaviy ishlarini bajarish 
jarayonida matematika tarixi mavzulariga murojat qilish, ularni o‘rganish va tahlil 
qilgan holda xulosalar yasashdir.
Bitiruv malakaviy va kurs ishlari mavzularini tanlashda matematik tushunchalar, 
matematik nazariya va g‘oyalar, teoremalar va muammolarning yuzaga kelishi va 
ularning yaratilishi bilan bog‘liq bo‘lgan jihatlarini tanlash, ularning nazariy 
asoslarini tahlil qilishda tarixiy rivojlanish jarayonlari bilan bog‘lash, qiziqarli, 
qadimiy matematik masalalarning yuzaga kelish jihatlari, yechilish xususiyatlarining 
inobatga olinishi hamda ishni rasmiylashtirishda innovatsion yondashuv asosida 
amalga oshirish bitiruv va kurs ishlarining yanada ko‘lamdor va mazmunli bo‘lishini 
ta’minlash bilan bir qatorda uni amaliyotga tatbiq qilish imkoniyatlarini ham yaratib 
beradi. Nazarimizda quyida keltirilgan mavzular asosida kurs va bitiruv ishlarini 
bajarish maqsadga muvofiqdir. 
1.
Boshlang‘ich sinflarda tarixiy materiallar asosida matematik ertaliklar 
tashkil etish metodikasi. Boshlang‘ich matematik ta’limda muammoli rivojlantiruvchi 
ta’lim texnologiyalaridan foydalangan holda matematika tarixiga oid ma’lumotlar 
berish imkoniyatlari. 
2.
Matematik boshqotirma va matematik o‘yinlar yordamida boshlang‘ich sinf 
o‘quvchilarida ijodkorlik sifatlarini shakllantirish. 
3.
Bolang‘ich 
sinflarda 
matematika 
faniga 
oid 
kompetensiyalarni 
shakllantirishda tarixiy materiallardan foydalanish. 
4.
Qadimiy matematik masalalar boshlang‘ich sinf o‘quvchilarida tayanch 
kompetensiyalarni shakllantirish omili sifatida. 
5.
Vaqtga oid o‘lchov birliklarining shakllanish tarixi va ularni boshlang‘ich 
matematik ta’limdagi o‘rni va ahamiyati. 
6.
Boshlang‘ich ta’limda innovatsion taqdimotlar asosida matematika tarixini 
o‘rgatishning imkoniyatlari. 
7.
Arifmetika nazariyasining rivojlanishida olimlarning ijod faoliyati va 
ularning maktab amaliyotidagi o‘rni. 

---

68