Toshkent davlat moliya instituti

Tadqiqotda qo’llanilgan uslublarning qisqacha tavsifi. Izlanish jarayonida monografik kuzatish, tenglashtirish va taqqoslash, statistik guruhlash, iqtisodiy-matematik, sotsiologik tadqiqot va boshqa qator usullardan keng foydalanildi.


Tadqiqot natijalarining nazariy va amaliy ahamiyati. Izlanish natijalarini amaliyotga qo’llash natijasida mehnat bozorida xizmat ko’rsatayotgan muassasalar faoliyatini yanada samarali holatga kelishiga, mehnat resurslari tarkibidagi iqtisodiy nofaol aholi soni qisqarishiga va mehnat bozoridagi talab va taklif muvozanatiga erishish uchun tavsiyalar tayyorlandi. Shuningdek, izlanishning amaliy ahamiyati quyidagilarda yanada yorqin ko’rinadi:

• 
  Toshkent shahar Shayxontohur tumani bo’yicha “Ish o’rinlarini tashkil etish va aholini ish bilan ta’minlash” dasturlarini ishlab chiqishda;
  

• 
  tuman mehnat bozoridagi talab va taklif muvozanatini ta’minlash, tumandagi mehnat resurslaridan samarali foydalanish va iqtisodiy nofaol aholi miqdorini kamaytirishda;
  

• 
  Toshkent shahar Shayxontohur tumani, qolaversa, respublikamiz mehnat muassasalarini reyting baholashni amalga oshirib, yuqori natijalarga erishganini rag’batlantirish orqali, ular faoliyatini rivojlantirishda;
  

• 
  “Mehnat iqtisodiyoti” va “Mehnat bozori iqtisodiyoti” fanlaridan ko’plab
  

mavzularni yoritishda.

Tadqiqotning ilmiy yangiligi Toshkent shahar Shayxontohur tumanida mehnat bozori infratuzilmasini rivojlantirish bo’yicha ilmiy asoslangan taklif va tavsiyalar ishlab chiqilganligida o’z aksini topgan.

Ilmiy izlanishda erishilgan ilmiy yangiliklar elementlari qo’yidagilardan

iborat:

6

• 
  mehnat bozori infratuzilmasini rivojlantirishning ijtimoiy-iqtisodiy ahamiyati asoslab berilgan;
  

• 
  mehnat bozorida faoliyat ko’rsatayotgan muassasalarni samarali boshqarish va ular faoliyatini rivojlantirish uchun “Mehnat muassasalarini reyting baholash uslubiyoti” ishlab chiqilgan;
  

• 
  Toshkent shahar Shayxontohur tumanida mehnat bozori infratuzilmasining rivojlanish holatiga baho berilgan;
  

• 
  aholidan o’tkazilgan ijtimoiy so’rovlar natijasida Toshkent shahar Shayxontohur tumani mehnat bozori infratuzilmasini rivojlantirish mexanizmlari ishlab chiqilgan hamda mehnat bozoridagi muammolarni hal qilish bo’yicha
  

tavsiyalar tayyorlangan;

• 
  mehnat bozori infratuzilmasini rivojlantirish bo’yicha rivojlangan mamlakatlar tajribasi o’rganilgan va ulardan foydalanish imkoniyatlari tavsiya qilingan;
  

• 
  bandlikka ko’maklashish va aholini ijtimoiy muhofaza qilish markazlarining faoliyatini takomillashtirish bo’yicha ilmiy asoslangan taklif va tavsiyalar ishlab chiqilgan.