Тошкент давлат иқтисодиёт университети ҳузуридаги педагог кадрларни қайта тайёрлаш ва уларнинг малакасини ошириш

Талабалар ўзаро муҳокама қилиб иқтисодиётда давлат иштирокини янада камайтириш ва аҳоли даромадларини ошириш зарурлиги қуйидаги муаммоларнинг мавжудлиги билан изоҳлайдилар:
1.“Юртимизда тадбиркорлик нима учун кутилган даражада ривожланмаяпти?. Чунки бу соҳа вакилларини асоссиз равишда текшириш ҳолатлари кўп. Очиғини айтганда, тадбиркорликнинг эркин ривожланишига ўзимиз-давлат идоралари йўл қўймаяпмиз” (Ш.М.Мирзиёев маърузасидан).
2.”Ҳеч кимга керак бўлмаган тартиб-тамойиллар ҳамон сақланиб қолмоқда...”(Ш.М.Мирзиёв маърузасидан).
3.”...жойларда кўпгина амалдорлар фақат ўз шахсий манфаатини ўйлаб иш кўрмоқда”( Ш.М.Мирзиёв маърузасидан).
4.Хусусий бизнес фаолиятига асоссиз аралашиш кўламининг катталиги.
5. Назорат органлари бўлган давлат солиқ ва божхона қўмиталарининг тадбиркорлик фаолиятини рағбатлантиришдаги ролининг пастлиги, уларнинг тадбиркорлик фаолияти ривожланишига тўсқинлик қиладиган тартиб-тамойиллар ҳаддан ташқари кўплиги.
6.Шу билан бирга солиқ, божхона ва бошқа имтиёзларнинг айрим корхоналарга асоссиз равижда кўп берилганлиги оқибатида хусусий секторнинг айрим соҳаларида хусусий монополистик корхоналар пайдо бўлиб, рақобат муҳитининг бузилишига олиб келди.
7.Хусусий тадбиркорлик субъектларини давлат ва маҳаллий инвестиция дастурларига жалб этишнинг пастлиги.
8.Йирик саноат корхоналари ва тармоқларида давлат улушининг юқорилиги.
9.Хусусий корхоналар маблағларини жойлардаги ҳокимият органлари томонидан ноқонуний равишда бошқа мақсадлар учун йўналтиришга мажбурлаш ҳолатларининг кенг тарқалганлиги.
10. Қишлоқ хўжалигида паст унумдор ерларга ҳам пахта экишга фермерларни мажбурлаш ва бунинг оқибатида уларнинг иқтисодий-молиявий ҳолатининг ёмонлашуви.
11.Давлат буюртмаси билан пахта ва ғалла етиштираётган фермер хўжаликларини молиялаштириш тизимидаги бюрократия.
12.Тадбиркорлик субъектларининг банклардаги маблағларидан эркин фойдаланишларига тўсиқларнинг мавжудлиги.
Талабаларнинг эътиборини Ўзбекистон Республикаси Президентининг 2017 йил 8 сентябрдаги “Ўзбекистон Республикасида маъмурий ислоҳотлар концепциясини тасдиқлаш тўғрисида”гиПФ-5185-сон  фармонида мамлакат тараққиётининг замонавий босқичида кенг кўламли ислоҳотларнинг муваффақиятли амалга оширилиши ва 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясининг мақсадларига эришиш давлат бошқарувининг мутлақо янги, самарали ва сифатли фаолият юритувчи тизимини яратишни, давлат бошқаруви органлари ва маҳаллий ижро этувчи ҳокимият органларининг (кейинги ўринларда ижро этувчи ҳокимият органлари деб юритилади) уйғун фаолиятини ташкил этишни талаб қилиши қайд этилганлигига жалб этиш муҳимдир..