Тошкент давлат иқтисодиёт университети ҳузуридаги педагог кадрларни қайта тайёрлаш ва уларнинг малакасини ошириш

2.3.	“Аҳоли даромадлари ва давлатнинг ижтимоий сиёсати” мавзусиюзаcидан кейc, амалий топшириқлар, ишланмалар.

2.3.1. KEЙС-СТАДИ

Ўзбекистон Республикаси миллий иқтисодиёти мисолида

«Ўзбекистон иқтисодиётида давлат иштирокини босқичма-босқич камайтириш ВА АҲОЛИ ДАРОМАДЛАРИНИ ОШИРИШ таҳлили»
ПЕДАГОГИК АННОТАЦИЯ
1.Фаннинг номи: “Иқтисодиёт назарияси”.
Мавзунинг номи: “Ўзбекистон иқтисодиётида давлат иштирокини босқичма-босқич камайтириш таҳлили ва аҳоли даромадларини ошириш” мавзуси бўйича кейс.
2.Ушбу кейснинг мақсади – талабаларни ўрганилган мавзу бўйича эгаллаган назарий билимлари асосида амалий ҳаракатлар, мулоқотлар, фикрлаш орқали Ўзбекистон иқтисодиётида давлат иштирокини босқичма-босқич камайтириш ва аҳоли даромадларини ошириш жараёнларини таҳлил қилиш натижасида унинг истиқболдаги йўналишлари бўйича мустақил таклиф ва тавсиялар ишлаб чиқиш кераклиги билан белгиланади.
Кутилаётган натижалар: Ўзбекистон иқтисодиётида давлат иштирокини босқичма-босқич камайтириш жараёнларини ва аҳоли даромадларини оширишни комплекс ва системали тарзда омилли таҳлил қилиш усулларини ўрганиш, иқтисодиётда давлат иштирокининг камайиб боришини ифодаловчи кўрсаткичлар таҳлилини баҳолаш.
Кейсни муқаффақиятли ечиш учун талабалар қуйидаги натижаларга эришишлари лозим: иқтисодиётда давлат иштирокини камайтириш ва аҳоли даромадларини ошириш борасида амалга оширилган чора-тадбирларни ва бу борада эришилган натижаларни баҳолаш ҳамда мавжуд муаммоларни аниқлаш ва уларни ҳал этишнинг устувор йўналишлари бўйича тегишли таклиф ва тавсиялар ишлаб чиқиш.
3.Ушбу кейс кабинетли тоифасига киради. Иқтисодиётда давлат иштирокини камайтиришга ва аҳоли даромадларини ошириш қаратилган иқтисодий ва институционал ислоҳотларни амалга ошириш жараёнлари таҳлили мустақилликнинг дастлабки босқичларидан ҳозирги давргача бўлган иқтисодий жараёнларни ўз ичига олади.