Toshkent davlat iqtisodiyot universiteti samarqand filiali pul va banklar

17.3. Tijorat banklarining investitsion faoliyati va siyosati
Investitsiyalar (nemischa – invetsion, lotincha – investere – o’rash, inglizcha – investment – sarmoya qo’yish) iqtisodiy rivojlantirish maqsadida mamlakat yoki chet ellarda turli tarmoqlarga uzoq muddatli kapital kiritish, kapital sarflar ma’nosini anglatadi.
O’zbekiston Respublikasining “Investitsiya faoliyati to’g’risida”gi Qonunining 2-moddasiga binoan, investitsiyalar – iqtisodiy va boshqa faoliyat ob’ektlariga kiritiladigan moddiy va nomoddiy ne’matlar hamda ularga doir huquqlardir”.
O'zbekiston Respublikasi Prezidenti SH. Mirziyoyev O'zbekiston Respublikasi Oliy Majlisiga yo'llagan murojaatnomasida -"Bugun biz davlat va jamiyat hayotining barcha sohalarini tubdan yaxshilashga qaratilgan innovatsion rivojlanish yo'liga o'tmoqdamiz. Bu bejiz emas, albatta. CHunki zamon shiddat bilan rivojlanib borayotgan hozirgi davrda kim yutadi? Yangi fikr, yangi g'oyaga, innovatsiyaga tayangan davlat yutadi" degan edi.
Bu albatta ma'lum moliyaviy resurslar bilan bog'liq va unda banklarni o'rni beqiyos, chunki banklar faoliyatining asosiy yo'nalishlaridan biri bo'lib investitdion faoliyat hisoblanadi.
Tijorat banklari tomonidan investitsion faoliyat olib borishdan maqsad ularning daromadliligi va likvidliligi ta'minlashdan iborat.
Banklarning investitsion faoliyati turli xil qimmatli qog'ozlar: oddiy va imtiyozli aksiyalar, obligatsiyalar, depozit-sertifikatlari va boshqalarga mablag'larni qo'yish orqali amalga oshiriladi.
Rivojlangan mamlakatlarda tijorat banklarining investitsion faoliyati daromad keltirishi nuqtai nazaridan bank daromadi tarkibida kredit foizidan keyingi ikkinchi manba hisoblanadi
Mamlakatimizda iqtisodiyotning real sektoriga amalga oshirilayotgan investitsiyalar kengaytirilgan takror ishlab chiqarishni ta'minlashning asosiy manbai va uni yuqori sur'atlarda amalga oshirishning asosi hisoblanadi. Bu 2,3-jadvallarda keltirilgan respublikamiz iqtisodiyotiga sarflangan investitsiya mablag'lari va uning manbalari hajmidan ham ko'rinadi.
2-jadval