Toshkent davlat iqtisodiyot universiteti samarqand filiali iqtisodiyot fakulteti

“Makroiqtisodiyot” fanidan: 
1.
Fanga ajiratilgan umumiy soat - 218 soat. 
2.
Fanga ajratilgan mustaqil ta’lim soati - 90 soat. 
Talaba mustaqil ishining maqsad va vazifalari 
Talabaning mustaqil ishi aniq bir fandan oʻquv rejasida va fan dasturida 
belgilangan bilim, koʻnikma va malakaning ma’lum bir qismini talaba tomonidan 
fan oʻqituvchisi maslahati va tavsiyalari asosida auditoriya va auditoriyadan 
tashqarida oʻzlashtirilishiga yoʻnaltirilgan tizimli faoliyatdir. 

---

4 
Talaba mustaqil ishining asosiy maqsadi oʻqituvchining rahbarligi va nazorati 
ostida talabada muayyan oʻquv ishlarini mustaqil ravishda bajarish uchun zarur 
boʻlgan bilim va koʻnikmalarni shakllantirish va rivojlantirishdan iboratdir. 
Talabaga qiyinchilik darajasi uning shaxsiy imkoniyatlari, qobiliyati va bilim 
darajasiga muvofiq boʻlgan biror mavzu boʻyicha vazifa tayyorlash topshiriladi. 
Bunda talaba asosiy adabiyotlardan tashqari qoʻshimcha adabiyotlardan va internet 
ma’lumotlaridan foydalanib materiallar yigʻadi, tahlil qiladi, tizimga soladi va 
mavzu boʻyicha imkon darajasida toʻliq, keng ma’lumot berishga harakat qiladi. 
Zarur hollarda oʻqituvchidan maslahat oladilar. Mavzu boʻyicha referat 
kompyuterda tayyorlanib fan oʻqituvchiga topshiriladi. Topshirilgan vazifaning 
mazmuni, olingan ma’lumotlarning boyligi va boshqa belgilari boʻyicha fan 
oʻqituvchisi talabani baholaydi. 
Talaba mustaqil ishining vazifalari quyidagilardan iborat: 

yangi bilimlarni mustaqil tarzda puxta oʻzlashtirish koʻnikmalariga ega 
boʻlishi; 

kerakli ma’lumotlarni izlab topishning qulay usullari va vositalarini 
aniqlashi; 

axborot manbalari va manzillaridan samarali foydalanishi; 

an’anaviy oʻquv va ilmiy adabiyotlar, me’yoriy xujjatlar bilan ishlashi; 

elektron oʻquv adabiyotlar va ma’lumotlar banki bilan ishlashi; 

internet tarmogʻidan maqsadli foydalanishi; 

berilgan topshiriq va vazifalarning rasional yechimini topishi; 

ma’lumotlar bazasini tahlil etishi; 

ish natijalarini ekspertizaga tayyorlash va ekspert xulosasi asosida qayta 
ishlashi; 

topshiriq va vazifalarni bajarishda tizimli va ijodiy yondashishi; 

ishlab chiqilgan yechim, loyixa yoki gʻoyani asoslash va mutaxassislar 
jamoasida himoya qilish.