Toshkent davlat agrar unversiteti termiz filiali

Tavsiyaviy xulosa.CHigit ekish ishlarini belgilangan muddatlarda bajarilishiga alohida ahamiyat berish kerak. Ko’p yillik tajribalarga ko’ra, chigit ekishning maqbul muddatlari Toshkent va Farg’ona vodiysi viloyatlarida 5... 15 aprel, Surxondaryo va Qashqadaryo viloyatlarida 25 martdan 5 aprelgacha, Jizzax, Sirdaryo, Samarqand, Navoiy va Buxoro viloyatlarida 1...15 aprel hamda Xorazm viloyati va Qoraqalpog’iston Respublikasida 10....25 aprelgacha ekish tavsiya etiladi.


Nazorat savollari:

1. 
   Ekinlar urug’ini maqbul ko’mish chuqurligi qanday asoslanadi? Unga ta’sir etuvchi omillarni tushuntiring.
   
2. 
   Ekinlar urug’ini ekish usullari ularning qaysi xususiyatlariga qarab tanlanadi?
   
3. 
   CHigit ekishning maqbul muddatlari qaysi omillarga bog’liq? Viloyatlar bo’yicha chigit ekish muddatlarini ayting.
   
4. 
   CHigit ekish ishlariga qanday agrotexnik talablar qo’yiladi?
   
5. 
   CHigit ekish ishlari qanday tashkil etiladi?
   
6. 
   Boshoqli don ekish texnologiyasini tushuntirib bering.
   

7-Mavzu: O’simliklarni parvarishlash va himoyalash mashinalari .
Reja:
1. O’simliklar qator orasiga ishlov berishning o’ziga xosxususiyatlari va agrotexnik talablar;
2.Kultivatorning tuzilishi va ish jarayoni.
3. Ishlov berish ishlarining samaradorligini oshirish tadbirlari.
Tayanch iboralar: qator orasiga ishlov berish usullari,agrotexnik talablar, texnologik jarayonlar va mashinalar turi, mashinaning ishchi qismlari, ilg’or texnologiyalar.
7.1. O’simliklar qator orasiga ishlov berishning o’ziga xos xususiyatlari va agrotexnik talablar
Qishloq xo’jaligi ekinlarini parvarishlash ishlarining asosiy vazifasi- o’simliklarni ekish yoki o’tqazishdan boshlab, to ularni yig’ib-terib olishgacha bo’lgan muddatda ularni o’sishi va rivojlanishi uchun qulay sharoitlar yaratishdan iborat.
Bu ishlarga quyidagilar:qatorlar himoya yo’lagidagi qatqaloqni yumshatish; qatorlar orasidagi tuproqni yumshatish; begona o’t ildizlarini kesib, yo’qotish; sug’orilgandan keyin qatorlar orasini yumshatish; qatorlar orasidagi tuproqqa mineral o’g’it solish; sug’orish uchun egatlar ochish kiradi.
Bunday tadbirlarni bajarish natijasida ekinlar serhosil bo’lib o’sishi uchun qulay sharoitlar tug’diriladi, tuproqdagi namlik uzoq saqlanadi, havo miqdori ortadi, kasalliklarning oldi olinadi.
Qatorlar oralig’iga ishlov berishni o’z vaqtidan kechiktirmasdan o’tkazish muhimdir .