Toshkent davlat agrar unversiteti termiz filiali

5-Mavzu: O’g’itlash mashinalari.
Reja:
1. Tuproqqa o’g’it solishning o’ziga xos xususiyatlari usullari va agrotexnik talablar;
2. O’g’it sepish mashinalarining tuzilishi va ishlash jarayoni;
3. O’g’it solishda qo’llaniladigan ilg’or texnologiyalar.
4.O’simliklarni himoya qilishning o’ziga xos xususiyatlari
5.Kimyoviy ishlov berish mashinalarini tuzilishi va ish jarayoni
6.O’simliklarni himoya qilishda biologik usulning ahamiyati

Tayanch iboralar: o’g’itlar turi, yerga o’g’it solish usullar, o’simliklarni himoya qilish usullari, tadbirlari, jarayonlari va mashinalari, agrotexnik talablar, mashinaning ishchi qismlari, ilg’or texnologiyalar.

5.1.Tuproqqa o’g’it solishning o’ziga xos xususiyatlari, usullari va agrotexnik talablar
Qishloq xo’jaligi ishlab chiqarishini intensivlashtirishning eng muhim vositalaridan biri - uni har tomonlama kimyolashtirish va birinchi navbatda paxta, boshoqli don va boshqa ekinlar hosildorligini tobora o’sishini ta’minlovchi o’g’itlardan foydalanish hisoblanadi.
Sug’oriladigan yyerlarda o’g’itlardan samarali foydalanishekinlar hosildorligini 1,5-2,0 barobarga oshirishi mumkin. Bunda o’g’it solish muddatlariga rioya qilish, turli o’g’itlar (fosforli, azotli va kaliyli) nisbatini to’g’ri tanlash, tuproq sharoitlarini hisobga olish va boshqa tavsiyalarga amal qilish kerak.
O’g’itlar faqatgina ekinlar hosildorligini oshiribgina qolmay, balki olingan mahsulotlar sifatini ham yuqori bo’lishiga imkon beradi. SHuning uchun ularni ilmiy-tadqiqot institutlari hamda viloyatlardagi agrotexnika laboratoriyalari mutaxassislarining tavsiyalariga qat’iy amal qilgan holda to’g’ri ishlatish zarur.
CHunki me’yordan oshiqcha solingan mineral o’g’itlar o’simliklarni tez o’sishiga, ya’ni ularni g’ovlab ketishiga olib keladi, natijada ekinlar hosildorligi pasayib ketishi mumkin.
Ekilgan ekinlarni oziqlantirib, hosildorligini oshirish maqsadida yerga turli xil o’g’itlar solinadi.
O’g’itlar mahalliy, ma’danli va bakterial turlarga bo’linadi.