Toshkent davlat agrar unversiteti termiz filiali

Nazorat savollar:
1.Urug’ning to’kiluvchanligini qanday maqsadda e’tiborga olish lozim?
2. G’altaksimon miqdorlagich qanday vaziyatda urug’ni shikastlantirishi mumkin?
3. Qanday maqsadda seyalkadagi hamma miqdorlagichlar deyarli bir xil urug’ ajratishiga erishish kerak?


8-Laboratoriya ishi
Kultivator ishchi qismlarini ekinlar qator orasiga moslash
Ishning maqsadi:Ekinlar qator orasiga ishlov berishda qo’llaniladigan turli texnologiq jarayonlarni bajarish uchun kultivator ishchi qismlarini tortqichlarda (gryadillarda) joylashtirish bo’yicha ko’nikmalar berish.
Kerakli jihozlar:KXM-4 kultivatori, ishchi qismlarini turli ishlarni bajarish uchun joylashtirish shablonlari, chilangarlik asboblari.
Kultivator o’simliklar qatorlari himoya yo’lagidagi qatqaloqni yumshatish; qatorlar orasidagi tuproqni yumshatish; begona o’t ildizlarini kesib-yo’qotish; sug’orilgandan keyin qatorlar orasini yumshatish; qatorlar orasidagi tuproqqa mineral o’g’it solish; sug’orish uchun egatlar ochish ishlarini bajaradi.
Paxtachilikda qo’llaniladigan KXM-4 kultivator–oziqlantirgichlar to’rt qatorli 60 va 90 sm sxemada ekilgan g’o’za va boshka chopiq talab etiladigan ekinlar qator oralarini ishlashga mo’ljallangan.
Kultivatorlar kutilgan samara keltirishi uchun 7 turdagi ishchi qismlar (15-rasm) bilan to’liq jixozlangan bo’lishi zarur.
Bajaradigan ishlov berish turiga qarab kultivatorga ekinlar qatorlari orasi 60-70 sm bo’lganda, har qatorga ko’pi bilan 7 ta, jami 28 ta, 90 sm bo’lganda har qatorga 9 ta, jami 36 tagacha ishchi qismlar o’rnatiladi.

13-rasm. Kulьtivatorning ishchi qismlari va ularni ishlov berish chuqurligi:
1-lappak (disk); 2-yulduzcha; 3-pichoq; 4-chuqur yumshatgich; 5- yumshatgich panja; 6-o’g’it solgich; 7-egat olgich
Kulьtivatorning ishchi qismlarini o’rnatish va sozlash ishlari ip tortilgan yoki sxema chizilgan maxsus tekis, yuzasi qattiq maydonchada bajariladi (16-rasm).