Toshkent davlat agrar universiteti termiz filiali meva-sabzavotchilik, uzumchilik

Havo va tuproq namligi.
Plyonkali qurilmalarda o‘ziga xos havoning nis-biy 
namligi yuzaga keladi. Polimer plyonka materiallarining yuqori germetik-ligi 
(zichligi) hisobiga havoning nisbiy namligi plyonkali qurilmalarda ochiq 
maydondagiga nisbatan 10-30%, oynavand inshootlardagiga nisbatan esa yana ham 
yuqori bo‘ladi. Ko‘pchilik hollarda u 100% ga yetadi, kunduz kunlari esa 45-60% 
gacha tushadi. 
Toshkent DAU izlanishlari shuni ko‘rsatdiki, O‘zbekiston sharoitida fevral-mart 
oylarida havoning nisbiy namligi ochiq yerdagiga nisbatan 14-24% ga yuqori bo‘lar 
ekan. 
Sabzavotkorlar, kichik hajmli plyonkali qurilmalarda sabzavot yetishtir-
ayotganlarida havoning ortiqcha nisbiy namligini kamaytirish bilan band bo‘ladilar. 
Havoning nisbiy namligini kamaytirishning asosiy vositasi shamollatishdir. 
Shamollatishning davomiyligi quyosh radiatsiyasining jadalligiga ko‘ra aniqlanadi. 
Issiq kunlarda plyonkani ko‘proq ochib shamollatiladi. Havo salqin kunlarda, harorat 
sharoitlari shamollatishni talab qilmaganda, plyonkali qurilmalarni faqat nisbiy 
namligini kamaytirish uchun shamollatish kerak emas. 
Plyonkali tonnellar ostida hosil berish davrini uzayishi va o‘simliklarni qalinroq 
joylashtirish tufayli hosldorlik, ochiq daladagidan yuqori bo‘ladi. Shuning uchun bu 
yerlarda organik va mineral o‘g‘itlar ko‘proq me’yorda qo‘llanila-di. Kuzgi 
shudgorlash qilinishidan oldin gektariga 25-30 t chirigan go‘ng yoki chirindi, 700-800 
kg superfosfat yoki 250-300 kg ammofos, 450 kg gacha ammoniy sulfat va 120-150 
kg kaliy tuzi yoki kaliy xlor solish zarurdir. 
Arkasimon plyonkali tonnellarni yorug‘lik bilan yaxshi ta’minlash uchun ular-ni 
shimoldan janubga yo‘naltirgan holda joylashtirish, tonnellarni daraxtlar bilan 
soyalanishiga, o‘simliklarni me’yoridan ortiq zichlantir-maslikka yo‘l qo‘y-maslik va 
o‘simliklar qo‘shni qatordagiga nisbatan shaxmat tartibida joylash-tirilishi kerak. 
Ikki qabatli yopqichlarni qo‘llab hisobiga issiqlik yo‘qolishini kamay-tirish 
mumkin. Qattiq sovuq davrlarda va sovuq boshlanishi davrida plyonkali tonnellar 
ustiga qo‘shimcha ikkinchi qavat plyonka yoki biron-bir nur o‘tkazmaydi-gan 
materiallar: chipta bordon, qalin qog‘oz, qalin material yoki boshqalarni yopish 
mumkin.