Toshkent davlat agrar universiteti termiz filiali agrobiologiya fakulteti

Tur – Akaqiyabiti – AphissrassivoraKoch.

Oila – Bitlar – Aphididae.

Turkum – teng qanotlilar – Hemoptera

Tirik tug’uvchi urg’ochisini tanasi 1,3-2,2 mm keladi. Tanasi qora rangda.Erkagi urg’ochisidan farq kilib qanotli bo’ladi. Akaqiya biti (beda biti ham tuxum davrida) beda yoki akaqiyada qishlaydi. Mart oyida qishlovdan chiqadi.Bu zararkunanda ham g’o’za shirasini so’rib zarar yetkazadi.

Tur – Kuzgi tunlam – Agrotis segetum Schiff

Oila – Tunlamlar - Nostuidae

Turkum- Tangacha qanotlilar – Lepidoptera

Kuzgi tunlam qanotlarini yozganda 40 mm ga yetadi.Oldingi qanoti sarg’ish-kulrang, orqa qanoti oq tusda. Oldingi qanoti asosiga yaqin joyida ponasimon qoramtir dog’i, qanotining markazida yumaloq va yuqorirog’ida bo’yraksimon dog’i bor.

Tuxumi qubbasimon bo’rtiqli bo’lib, 0,65 mm keladi. Kuzgi tunlamning yetuk qurti 5 sm kattalikkacha bo’ladi.Qurti bezovta qilinsa, yumaloq bo’lib oladi. G’umbagining uzunligi 14-20 mm bo’lib, och-qo’ng’ir rang va oxirgi bo’g’imida ikkita o’simtasi bor. Kuzgi tunlamning qurtlari ko’pgina qishloq xo’jalik ekinlarini shuningdek, g’o’zani ildiz bo’g’ziga yaqin qismlarini, yer betiga chiqmagan urug’ barglari, o’ralib yotgan maysalarini kemirib zararlaydi.

Urug’barglar yer betiga chiqib yozilganda ularda simmetrik bir xilda teshikchalar mavjud bo’ladi. Kuzgi tunlam bir yilda uch marta avlod berib, g’umbaklik bosqichida tuproqda qishlaydi.